爆漫王!!~~好感动啊!

思仁

刚看了动画..虽然漫画看过了

但有声音更能表现出最高和亚豆的那种青涩的爱情~~

明明是最普通最简单的愿望~~~~也没有经过很糟糕很糟糕的情况 (像韩剧那样的)

就是很普通的两个人很努力的迈向梦想~~~~

好感动啊!!!!!!

然后想到粤语版......

大概会变成怎么样呢........

rangiku

睇黎楼主都几有感情  睇咗咁多次

kin12345

喜歡愛看漫畫既人先會領略到既感受

思仁

kin12345 发表于 2013-3-10 03:00
喜歡愛看漫畫既人先會領略到既感受

呵呵!!!!

真心喜欢爆漫啊~~~因为剧情热血

但爱情却是青涩!而且不是超科幻的那种!!!所以感觉超想支持他们!

blueeyes

其實我覺得《爆漫》講佢地畫漫畫同其他漫畫家良性競爭既主線劇情，好睇過佢d感情線好多。我甚至覺得佢d感情線有d多餘，撇除一開始真城同美保既約定呢條線…其他野都可以略過……

新妻主導既劇情都好好睇，而其他人都一直努力、以自己既信念和方式追求夢想。個種好現實既熱血，令人好感動。但佢d女角唔知出左咩事，完全唔掂……香耶一開始就唔知做乜咁係度搞搞貢（真係搞搞貢，cut哂佢做既所有野都完全唔影響個故事），之後高木無啦啦就話好鍾意佢？成件事已經好莫名其妙，但佢地話鍾意喎…咁就冇野啦。不過，之後無啦啦整段發老脾劇情，完全係"呀"時間…睇到我火都黎。美保係個件事幫香耶出頭、好似好幫朋友咁，但其實又係製造麻煩…而且最尾美保因為講岩對白贏到比賽個場……我覺得成件事只係反映佢其實係個仆街……明知d稿錯就同大會講啊～特登唔講就係想標奇立異博高分…骨子裡就唔係一個好人。　（←最尾個劇情完全癲覆美保係我心目中既形象（本來我覺得佢係個雖然文靜內向但係個溫柔善良既孩子），雖然我見佢幫香耶個下都已經覺得佢好煩，但未至於討厭佢。）

成齣既野女角，唯一正常d既得蒼樹紅……岩瀨其實都冇咩野…我唔明點解d人咁憎佢…

最後，雖然我完全頂唔順佢d感情線，但overall我依然覺得佢係好睇既。

大島優子

爆漫本身都幾正啊

newsjun

一直都甘中意

思仁

blueeyes 发表于 2013-3-10 03:13
其實我覺得《爆漫》講佢地畫漫畫同其他漫畫家良性競爭既主線劇情，好睇過佢d感情線好多。我甚至覺得佢d感情 ...

完全没法同意啊..

的确爆漫的剧情还是相当不错的..

有英二这个人物..增添不少色彩..

而女主角是贯彻作者的思想的..

就是小时候开始喜欢对方..

香耶明显也是,可能就是交代不多而已.

因为可以看出香耶从一开始就已经非常喜欢秋木了...


然后美保....她说不说根本就没所谓,所以她不是坏人.

因为一开始她就打算和评审会说的...

但大家太忙而且直接就开始了,那干嘛找麻烦呢???

而且两个台词都是没问题的....所以其实根本不算读错台词..

那怎么算是坏人???

如果是绝对的错,她一定会提醒吧...但问题两个名字都是没错的..


且..美保的个性,从他超快的短信...惊人的举动...结婚的冲动就知道她绝对不是文静派的了..........

苍树的话...不想说了....竟然选了海赖11号~~~

不过她和岩赖的举动也不平常啊...

感觉你对女主角们很有偏见.....

而这漫画都有英二这种....海赖这种.....

所以大家的举动也不用太在意....

blueeyes

思仁 发表于 2013-3-10 10:48
完全没法同意啊..

的确爆漫的剧情还是相当不错的..

再討論落去之前，利益申報左先。我睇「爆漫」主要睇動畫，唔排除有d漫畫有既劇情會俾人cut左所以唔知。如果有咩我係錯同漏、又或者同漫畫唔同既，歡迎指正。（我好樂意接受漫畫原著劇情既糾正。）另外就係我主要睇TVB版，未播出街既劇情主要係維基返來，所以中後段既劇情有好多未知，如有誤會都歡迎指正。（美保最尾個比賽個段只係我無聊想睇結局，所以由個比賽開始睇睇到尾。）以上。

我唔明你點解會話「香耶明顯也是［小時候開始喜歡對方］，可能就是交代不多而已。因為可以看出香耶從一開始就已經非常喜歡［高］木了…」同理由係邊…如果佢一開始就鍾意高木，咁一開始要同高木講野應該會緊張先係。但佢唔止完全冇，仲要以為高木想追美保於是爆料俾佢………我想問，咁係一個暗戀者/一開始就好鍾意人地既人應該有既行為咩？？？佢係暗戀/一開始就好鍾意人既話，唔係應該唔想/阻止佢追美保咩？？？而且，香耶同高木好似係係高木疑似表白左之後，兩個人先搞到見到面有d尷尬同不知所措咋喎～係表白之前佢地兩個之間完全冇個d奇奇怪怪既化學作用架喎。我唔明你點解會話香耶一開始就鍾意高木。你可以話香耶一開始就對高木有好感（至少一定冇厭惡），但絕對唔會係一開始就鍾意人，更唔會係非常鍾意囉。如果你可以指出有咩劇情「可以看出香耶從一開始就已經非常喜歡［高］木了」既話，我好樂意聽。

如果講唔講係真係冇所謂既，咁美保就唔會因為改台詞呢件事而impress到咁多人，最後仲因為咁而贏埋個比賽。（佢impress到人正正係因為係咁多個出左場既參賽者裡面得佢一個知道錯台詞，咁證明佢好熟悉個故事同瞭解個角色。因為咁令佢係觀眾心目中加左唔少分，所以最後大比數拋離地贏到個角色返來配。）另外，如果個分別真係咁唔重要佢可以照稿讀，點解佢唔咁做、係要改台詞？？？佢要改係因為佢認為咁係錯、需要糾正。而最後大會都認份稿係錯、叫美保之後既參賽者都要改返岩，咁就證明台詞係真係錯。我唔明你點解可以話「兩個台詞都是沒問題的…所以其實根本不算讀錯台詞…」。可能你想講既其實係「份稿錯就唔算讀錯，所以就算之前d人照稿讀係唔岩都好、都唔會俾人扣分，所以都冇唔公平」。但我想話，個唔公平位從來唔係其他人會唔會因為咁而被扣分，而係美保因為咁無啦啦加左分。即係而家有間學校，如果學生係考試既時候指出份卷既問題既話可以額外加十分。有個人，係考試之前就知道份卷有問題，但佢特登唔出聲，係要到考緊試既時候先舉手話份卷有問題來囉個額外既十分。呢個人唔係仆街係乜野？既然佢一早就知，佢要同其他人公平競爭，就應該係考試之前就出聲。而唔係等到考試個陣先舉手來厄多十分。

再講，「幹嘛找麻煩」呢個藉口真係爛到不堪。即係，如果你而家參加跨欄比賽，你發現d欄全部俾人調錯哂高度、比標準高左好多、照比賽既話好多人會過唔到。但你自己有特別訓練過，高左都唔會難到你。你可唔可以因為「大家太忙而且直接就開始比賽，現在打斷比賽的話是自找麻煩」所以就唔出聲？出唔出聲關乎個比賽公唔公平架！點可以因為一句「麻煩」就當冇野？同理，美保咁樣一改台詞到底係觀眾心目中加左幾多分啊？？？？呢個差異絕對影響佢同其他人係唔係公平競爭。一句「幹嘛找麻煩」就把事情了了未免太無恥了吧？認真要同其他人公平地去競逐個角色就應該發現既時候，即時私底下同大會講份稿錯、等佢地可以糾正埋其他參賽者，咁先係公平競爭。

我覺得你完全曲解左「文靜」個意思。「文靜」即係「斯文恬靜」，形容一個人斯斯文文而且唔係好出聲。佢既反義詞係「好動」、「調皮」、「活潑」等，你覺得你講既「超快的短信…驚人的舉動…結婚的衝動」符合以上（「好動」、「調皮」、「活潑」）邊個形容詞？你講既野只可以話美保有d外冷內熱。雖然睇落好似平平淡淡咁，但內心其實非常熱情。但內心熱情咁唔代表佢表現出來既行為唔屬於文靜既一類。

蒼樹選了海賴我唔覺得有咩大問題。雖然過程我未知係點，但驟眼睇呢個配對睇冇咩唔合理到唔可以接受。一來呢個係蒼樹既個人選擇，二來對於一個幾乎對男仔完全冇哂信心既人，有個男仔叫做真心對佢好、佢應該已經好滿足。另外就係，我覺得蒼樹同岩瀨兩個都幾明顯係d唔識同男仔相處既人，咁完全解釋到佢地d行為…我唔明佢地兩個有幾奇怪。

我承認我一向對女角既要求係比男角高。（我憎既女角真係唔少。）但我唔鐘意佢地唔影響我鍾意個故事。劇情方面，我唔鍾意既係香耶同高木既感情線。因為我覺得好多餘同好o徒時間。但我從來冇排除過「真城同美保既約定」呢條主線。我覺得呢樣野作為核心貫穿成個故事並冇問題，只係後段劇情太差影響左美保呢個角色（令佢變得唔討好）。咁講完全冇貶低真城同美保係個故事裡面一同成長、一同努力，最後修成正果既價值。我同樣覺得感動，只係美保呢個角色隨住故事發展變得越來越唔討好者。

最後，我唔鍾意佢地係我既事者。如果你覺得我唔鍾意佢地係唔鍾意得唔合理，又或者我有私心所以針對佢地（唔駛嘗試屈我因為鍾意男主而妒忌討厭女主，高木同真城都唔係我杯茶），我唔介意繼續話你知點解我覺得佢地唔係一個討好既角色。反正我係的的確確覺得佢地係唔討好，並且有我認為充分既理由解釋我為何覺得佢地唔討好。

shiraishisai

其实我一集都冇睇过