《鐵血的孤兒》可算是另一齣虎頭蛇尾既爛尾動畫

superboy99

好辛苦先捱到大結局, 感覺十足追《最終流放‧銀翼的法姆》: 人物好, 對白好, 場面好, 但成個故事愈做愈不知所謂!


1. 由第二季既地球篇開始已經覺得唔對路: 地球部隊存亡同奧加三日月以至成個鐵華團既發展同心路有咩關係?


2. 鐵華團由上位到火星之王既理想, 原本應該代表「將相本無種, 實力大過天」既理念, 但由奧加幫名瀨報仇, 以至麥基利斯作反, 成個方向反轉成「理想比現實更重要」


3. 兩大主角忽然弱智: 奧加幫名瀨同他賓氏報仇原本合乎性格, 但之後好似唔記得鐵華團要上位既終極目標, 反而幫麥基利斯搞乜「革命」! 依照正常人思路, 奧加應該晌殺左賈斯里後, 以義弟身分繼承成他賓氏晌提華茲既地位, 用鐵華團挾阿公以令大佬們, 成為提華茲既幕後大哥 (聰明既更應該係先接受賈斯里無條件投降, 接收晒佢既一切再流放或暗殺佢, 就好似當年對CGS咁)
個金毛仔麥基利斯更加黐乜線, 之前搞咁多手段去擴張勢力, 以為佢又係諗住用實力去架空成個七星家族; 點知......佢傻到嗌「啟動高達巴力-->繼承號角地位-->有資格統領加拉爾號角」, 咁你之前搞咁多做乜銀? OK, 打輸唔緊要, 佢走去火星令好多人以為之前MA係伏線, 諗佢佢會發動另一部MA同歸於盡, 點知......佢傻到單拖衝入敵陣比人圍殺! 真係唔知講乜粗口好......雖然金毛仔真正身份係上任七星家族家主個性奴, 但佢點都叫做到新任家主個位兼娶埋另一個家主個女, 退一萬步都唔使學班廢棄人咁博命, 而家咁既下場, 班編劇發乜癲?


4. 鐵華團其實追求緊d乜? 奧加一直話想班兄弟有一個安穩地方, 唔使打打殺殺去生存! 係咁一開始解散CGS時就好散水分錢啦! OK! 唔夠錢? 之後第二季開始時夠啦卦! 但係奧加比個金毛仔用個火星之王既夢冧掂, 以為無金毛仔就會打回原形, 結果拖晒班兄弟all in落個金毛仔度! 睇到奧加同提華茲反面, 更加覺得佢想做火星之王係為自己多過鐵華團班兄弟! 如果你話呢個係悲劇英雄既宿命, 咁就唔該好似《水滸》咁成班兄弟死清光! 結局睇到死唔去既兄弟有好日子過, 更加印證前面立論: 鐵華團其實係累死班兄弟既組織, 一切皆因跟錯奧加呢個大佬!

hannah_g

... 樓主好有感慨.... 越喜歡一樣東西...意建會越多

superboy99

hannah_g 发表于 2017-4-5 12:53
... 樓主好有感慨.... 越喜歡一樣東西...意建會越多

因為聽聞TBB晌四月中會上
追劇前諗清楚
免得浪費時間

前排抗压

之前仲好期待第二季，宜家好啦唔駛睇咯

superboy99

火星同加拉爾號角既結局更加係自說自話九唔搭八
十足d粵語殘片咁話好人有好報壞人比雷劈
其他大大小小犯駁位已經唔想o徙時間去媽叉,
例如名瀨點解要送死,
點解加拉爾號角唔一開波就用詛咒魔劍剿滅成個鐵華團,
點解奧加可以咁易就揸車突圍而其他人要掘地道......

jerryroger

自从十几集边个边个死咗开始，我就已经绝望。
虽然还在妄想麦基里斯会有咩作为，点知，唉。。。。

bayman

高达居然用钝击.....
第二季又求其望一眼,仲係钝击...

superboy99

唔介意《銀翼的法姆》同《甲鐵城》o個種情節的話
呢套都可以一看

醉舞江湖

第二部还没看，不过听闻剧情相当狗血，跟第一部比相差很大，变成另一个水浒传，两个都是注定悲剧收场，而且都是因为某人的关系

chokhea

系咪編劇換咗班底?!