- UID
- 12698
- 精华
- 0
- 冰点
- 127
- 阅读权限
- 70
- 主题
- 90
- 回帖
- 1720
- 性别
- 男
- 在线时间
- 865 小时
- 注册时间
- 2014-2-4
- 最后登录
- 2024-4-18
签到天数: 395 天 [LV.9]以坛为家II
风之精灵LV.1
重度偏執狂+完美主義者=喪
 
- 回帖
- 1720
- 雪点
- 5714
- 阅读权限
- 70
- 性别
- 男
- 在线时间
- 865 小时
- 注册时间
- 2014-2-4
- 最后登录
- 2024-4-18
|
本帖最后由 JVT 于 2022-11-8 00:17 编辑
影片名稱 絕世天劫 Armageddon
（以人類對抗世界末日加患難見真情為主線嘅科幻災難片，同題材近似嘅《末日救未來》同年上映，票房表現同觀影刺激感都相對優勝）
首播日期 26/5/2002
重播日期 4/5/2003、13/3/2004、30/9/2007、8/2/2009、1/4/2012、25/9/2022
播放頻道 明珠台
備註 1998年美國電影
配音員 角色名稱 演員
陳永信（常配，信哥嘅聲演每次都可以將布斯·韋利士嘅角色變得更有男人味）——施夏利（Bruce Willis飾演）
（男主角，有30年經驗嘅鑚油公司老闆，同前妻生咗個女，唔善於表達感情，畀美國政府請嚟拯救地球，而任務竟然係喺一粒小行星上面鑚個窿？）
蘇強文（阿So好準確咁將角色嘅內心矛盾表現出嚟）——杜丹尼（Billy Bob Thornton飾演）
（美國太空總署工程計劃部執行總監，當年左腳殘疾之後失去上太空嘅資格，非常信任男主角，頂住上頭質疑堅持派男主角一行人上太空執行任務）
梁偉德（德仔將演繹嘅重點放喺角色嘅輕佻同銳氣上面）——霍（Ben Affleck飾演）
（人稱“AJ”，女主角條仔，幫男主角做咗5年嘢，對鑚油有敏銳直覺，開頭畀男主角阻止自己同女主角拍拖但後來得到祝福，片尾同女主角結婚）
曾秀清（阿清配哩個角色感情好充沛）——施姬絲（Liv Tyler飾演）
（女主角，男主角個女，自細因為父母分開以及阿爸嘅強硬作風而同男主角關係尷尬，表面上好憎老豆干預自己嘅人生規劃但其實心裡面好愛爸爸）
李錦綸（哩種又怪誕又多口水嘅角色至啱佢）——狗公（Steve Buscemi飾演）
（男主角嘅鹹濕下屬，麻省理工化學同地質學雙學位博士，臨上天借咗大耳窿10餅嘢，喺小行星上面一度失常，係七個得以返回地球嘅倖存者之一）
招世亮（招sir喺《偷天陷阱》都配過哩個演員唔知算唔算常配）——查卓克（Will Patton飾演）
（同男主角共事20年嘅爛賭下屬兼主要助手，做過空軍突擊人員6年，同前妻有個仔，片尾得以倖存返回地球並且獲得前妻原諒，同妻兒一家團聚）
盧國權——沙韋利（William Fichtner飾演）
（自由號穿梭機上校指揮官，喺小行星上得知鑚窿進度嚴重落後嗰陣一度執行第二號方案，被勸阻后決定繼續照原計劃行事，片尾駕機安全返回）
黃子敬——姜杰時（Michael Clarke Duncan飾演，演員已故）
（綽號“大熊”，男主角嘅黑人大隻佬下屬，同女主角條仔以及俄羅斯太空人都係獨立號穿梭機墜毀之後嘅生還者，片尾同樣倖存成功重返地球）
張英才（退行，個人覺得哩個角色係聽過英才叔配得最有血有肉嘅角色之一）——拉夫（Peter Stormare飾演）
（台詞讀成“拉夫·安波夫”，俄羅斯太空站上校太空人，太空站爆炸後流落獨立號穿梭機，影片末段用暴力整好自由號穿梭機令到眾人成功逃脫）
林保全（已故）——麥斯（Ken Campbell飾演）
（男主角嘅肥佬下屬，同自己阿媽感情好好，影片中後段操作自由號穿梭機搭載嘅犰狳怪鑚窿嗰陣由於小行星地震兼且鑽到氣窩引發爆炸而犧牲）
黃鳳英——惠/衛（Jessica Steen飾演）
（台詞讀成“惠絲”，美國太空總署自由號穿梭機金髮女機師，影片末段整唔掂自由號穿梭機差啲令大家一鑊熟，片尾駕駛自由號穿梭機降落地球）
李錦綸——華特（Chris Ellis飾演）
（美國太空總署總飛行總監，指揮自由號同獨立號穿梭機升空，影片中後段獲悉獨立號穿梭機搭載嘅犰狳怪重新出現之後同女主角講佢男朋友未死）
林保全（已故，保全叔喺《黑鷹15小時》都配過哩個演員唔知算唔算常配）——奎朗奴（Jason Isaacs飾演）
（美國太空總署研究部四眼博士，精通天體物理學，提出要由內部引爆核彈先可以徹底摧毀小行星，最終建議被採納並成為哩次任務嘅第一號方案）
黃子敬——金（Keith David飾演）
（台詞有時讀成“金斯”，美軍黑人四星上將，對派男主角一行人上太空嘅做法一直超唔睇好，曾因鑚窿進度延誤而啟動第二號方案，好彩被阻止）
陳卓智——蔡奧加（Owen Wilson飾演）
（男主角嘅金毛下屬，喺埃爾帕索外圍有個養馬場嘅出色地質學家，影片中段獨立號穿梭機墜毀嗰陣面部被多塊碎片擊中繼而座椅撞落艙壁致死）
陳曙光（退行）+鄺樹培（退行）——戴（Marshall Teague飾演）
（獨立號穿梭機上校指揮官，影片中段駕駛穿梭機喺小行星表面降落嗰陣由於被碎石正面打穿穿梭機駕駛室擋風玻璃而成個人飛咗出艙，實死冇生）
P.S.：出現混配狀況，大多數時候由曙光叔（陳曙光）聲演，鄺樹培配嘅係喺獨立號穿梭機準備升空嗰陣嗰句“我哋出發啦”，可能係導配一時認錯人以為講嘢嘅係該角色右手邊嘅機師。
鄺樹培（退行）——古（Grayson McCouch飾演）
（台詞讀成“古巴”，負責監察自由號穿梭機所攜帶核彈嘅軍火專家，影片中後段被小行星表面火山爆發射出嘅岩石打飛之後身體畀利物插中而死）
鄺樹培（退行）——德（Anthony Guidera飾演）
（台詞讀成“德加”，美國太空總署獨立號穿梭機機師，影片中段獨立號穿梭機駕駛室擋風玻璃被碎石打穿之後成個人飛咗出艙，絕對冇生還可能）
蘇強文——盧菲迪（Clark Brolly飾演）
（男主角滿面鬚根嘅下屬，據女主角所講佢嘅紋身蘊含性知識，有兩個想入美國籍嘅女朋友，影片中段獨立號穿梭機墜毀嗰陣因座椅被炸飛而身亡）
陳曙光（退行）——美國總統（Stanley Anderson飾演，演員已故）
（喺14個太空人準備出發之前向全世界發表激勵演講，收到自由號穿梭機搭載嘅犰狳怪鑚窿太慢之後批准黑人四星上將啟動第二號方案）
黃麗芳——Denise（全片冇提過角色名，Judith Hoag飾演）
（男主角爛賭下屬嘅前妻，基於前夫以前做過嘅事而好抗拒畀個仔見爸爸，當個仔發現老豆上咗電視先至講出真相並喺片尾帶埋個仔迎接老公凱旋）
黃鳳英——查（全片冇提過角色名不過演員表寫住叫Tommy，Dyllan Christopher飾演）
（男主角爛賭下屬同前妻生嘅仔，喺電視度睇到媽咪口中嘅“推銷員”肩負拯救人類嘅重任準備上太空先被媽咪告知嗰個人其實係自己嘅親生爸爸）
林保全（已故）——卡爾（John Mahon飾演，演員已故）
（前美國海軍退休人員兼天文發燒友，長期沉迷用天文望遠鏡睇個天所以搞到老婆變咗做“嫦娥”，疑似第一個發現小行星並要求為小行星命名）
黃鳳英——多迪（Grace Zabriskie飾演）
（前美國海軍退休人員兼天文發燒友嘅老婆，見到老公乜都唔理一味望天所以“嫦娥”，畀老公形容為“又惡死又虐待狂見到佢嘅人都想佢死”）
黃鳳英——莫莉（Layla Roberts飾演）
（金髮脫衣舞孃，令男主角鹹濕下屬上天之前豪使10餅嘢嘅對象，片尾專登嚟到自由號穿梭機返回著陸場地，仲以極度熱情嚟迎接自己嘅大恩客）
|
本帖子中包含更多资源
您需要 登录 才可以下载或查看，没有账号？立即注册
x
|
雷达卡
提升卡
置顶卡
沉默卡
喧嚣卡
变色卡
显身卡
