我引导自己个女睇我细时候睇的粤配动画片合适吗

ijwzwhy

宜家各大视频网站上面的幼儿动画片，企系我这辈人的角度睇都做得十分之垃圾，我希望自己个女睇多D高质素作品，所以引导她看我细时候睇的动画片，给她看了魔神英雄传、魔动王、iq博士（魔法少女、美少女之类我觉得包含太多情情爱爱，她5岁未到所以暂时没给她看），一开始她的确好中意，但我见几次她和朋友玩嗰阵，成日角色扮演自己看的动画片里面的角色，导致经常出现鸡同鸭讲的尴尬场景，加上宜家都实行普通话教育，个个小朋友都只讲普通话，就连我个女都系只识听不识讲，我怕再给她看老动画会令她跟不上她这辈人的潮流，大家认为我应该继续吗？
PS.其实大大下她已经开始有从众心理了，毕竟她身边的人都爱看什么芭芭拉小魔仙、汪汪队之类的片，所以她自己都成日吵住要看这种

netasa

楼主遇到嘅问题其实在南方一带一直都係存在着。唔係楼主一个人嘅问题。但另一方面黎讲，其实又可以讲只係楼主一个人嘅问题。如果你自己唔在意，又点会去介意个小朋友点样去发展呢？
你唔係对个小朋友有要求，你又点会觉得拒钟意睇果D片或拒想睇果D片係垃圾？！你谂下你自己细个果阵你父母唔係同你宜家一样觉得你睇果D动画片係垃圾咩？！
每日每日都要你去认真读书考好D成绩咩？就算有时间都希望你去做多D体育运动？其实你应该问心一句你只係想你个女去行你认为好嘅路睇你认为啱拒睇嘅动画。

小朋友6-7岁先会开始建立自己嘅“观”，女仔会早熟些，男仔就迟好多，所以如果就动画而谈动画嘅话，其实6岁前就我个人认为最适合睇迪仔果D片。女仔最好俾拒睇多D美丽富有色彩爱心同埋美好向嘅动画为好。因为女仔比较于男仔更早早熟，所以“心”嘅坚强重要，且要更早去教拒 理、礼、善、爱、  拒绝攀比、妒忌、  作为家长你唔应该偏激，应该俾你个女去合下群先得，免得拒“社死”。

以下具体一D：
首先，你做得家长嘅你就要有足够地了解你个女，唔了解就俾多D时间去了解，睇下拒有无自己嘅主意！家中嘅细路在未有自己嘅“观”时，唔係似父亲就似拒阿妈（性格与爱好），另一方面性格与爱好也可以突出你个女更偏向于喜动定喜静？！或者讲係男仔头、女装大佬定係公主型、爱心型、胆小型、怕丑型、    根据唔同嘅型去俾拒睇适合嘅你细个时睇嘅动画就啱了。

其次，你地家长要分出时间去倍下拒睇，唔係就甘俾拒睇就得。要有交流，唔知交流D咩你地就谂下自己细个第一次睇果阵，兴奋D咩？想同小伙伴分享D咩？睇下你个下一代係米同你细个果时好相似？定係有唔同？（唔睇小依步，好多家长都因为自己年纪大左跟本就已经对旧动画无以前果种感觉了想同自己嘅小朋友分享嘅都只会係话“我细个果时........”通常都无法子另小朋友去理解到。试谂下拒地先几岁吖，点去体会你地嘅美好回忆吖。） 有左交流再加以教导就容易好多咯。另外唔好排外，好嘢要食，唔代表只可以食好嘢。即使果D  XXXX小魔仙再不讨好你，也不必要在小朋友前摆出非常抗拒嘅态度。 好不好，你要诱导拒自己去分析去选择。

最后，其实你最重要嘅係选择出好适合拒睇嘅你细果果时嘅动画出黎就已经好够了。因为在茫茫片海中不论什么配音都係适合小朋友去睇嘅，唔一定要粤配至得。有唔同嘅配音有时反而激起拒地对语言方面嘅兴趣。依点嘅度量衡在于你地家长嘅手中唔係咩？ 只要多睇粤配片就好，唔係完全唔可以睇国语、英语或其他吧？！

后话：最神英雄传依类热血片其实唔多适合女仔，除非係 男仔头 好动型。 也无你所讲嘅睇美战会有早恋嘅情况，反而我觉得会俾出爱与专一嘅教导。 我建议楼主，鼓励自家女女去向拒D小伙伴推荐拒觉得好睇嘅你俾拒睇嘅果D细个睇嘅旧动画，并同意和鼓励拒带小伙伴番黎一齐睇。同时你都应该倍拒去睇下拒想睇嘅果D“垃圾”片，交流之时加入你嘅贬义意见。

最后我的推荐：   （多D睇动物有关嘅动画或简单不用太多思考直接些但又有少少道理嘅动画）  
   蛤姆太郎  彩梦芭蕾   百变小樱Magic卡 滴骰孖妹 多啦A梦 咕噜咕噜魔法阵 怪盗st.Tail 婚纱小天使 红头巾恰恰 魔法少女沙沙美 魔法米露米露 少女福尔摩斯  神风怪盗 天使爱美沙 小魔女DoReMi
  小小雪天使  中华一番（依个可以先俾拒睇国语版）   

Star

我覺得好啱，我以後都唔會畀我啲仔女睇普語國產動畫，畀佢睇返粵配日本動漫。後者比前者好太多喇，而且粵語先係我哋母語，而家好多細路睇晒啲國產動畫變到唔鍾意講粵語喇，我係絕對唔允許我啲仔女變成噉樣。

yingjie

当比多个选择佢

moschino

前一排我都问过一个朋友，佢都话个仔睇国产卡通，我问点解唔比以前我地细个嘅粤语卡通佢睇
然后个朋友话，咁样佢个仔可能同其他同学就会无话题，所以都係大环境问题，哎

gongyi

鉴定好年龄层就好

wai008

先去圖書館, 了解一下喜歡什麼類型故事先

wai008

moschino 发表于 2022-3-19 16:54
前一排我都问过一个朋友，佢都话个仔睇国产卡通，我问点解唔比以前我地细个嘅粤语卡通佢睇
然后个朋友话， ...

朋友圈影響深遠

ijwzwhy

Star 发表于 2022-3-19 17:26
我覺得好啱，我以後都唔會畀我啲仔女睇普語國產動畫，畀佢睇返粵配日本動漫。後者比前者好太多喇，而且粵語 ...

实际系根本拦不住，好无奈

ijwzwhy

moschino 发表于 2022-3-19 16:54
前一排我都问过一个朋友，佢都话个仔睇国产卡通，我问点解唔比以前我地细个嘅粤语卡通佢睇
然后个朋友话， ...

没错，就算作品再好，没氛围就系没氛围，真系没办法

ijwzwhy

wai008 发表于 2022-3-19 17:23
朋友圈影響深遠

同朋友圈没关系，主要系宜家的咨询渠道导致D小朋友只能看国产