关于 《加速世界》

QQ312

        加速世界噶播映時間為下午6時25分，正屬於所謂的合家歡時段，根據香港電視節目分類制度，不能播放兒童不宜的內容，因此劇中主題曲部份畫面及部份情節被刪去，而無線響刪去主題曲部份畫面時，並沒如《機動戰士特種命運》咁以其他片段取代，而喺把相鄰部份的速度強行降低，故又被稱為《減速世界》


而且，TVB更因CUT片而令劇情出現犯駁位，原先於第三集中角色紅之王被偷襲砍首的片段已被TVB剪去，但在後來集數的回憶片段中卻無故補上，容易令首次觀睇噶觀眾不明所以，TVB噶CUT片已超出時段期限上的實際所需，被CUT去的對白，鏡頭，不但並非真正的色情或暴力，更嚴重影響正常劇情，

雖然後來早上播出標上PG家長指引，刪減尺度較寬鬆的重播版，但仍然有唔少刪剪，而且TVB播放時間太早 ，點解唔安排喺深夜播呢！

sha1b18

呢個問題我答過好多次,就黎連口水都乾埋了- -

QQ312

sha1b18 发表于 2012-12-7 01:51
呢個問題我答過好多次,就黎連口水都乾埋了- -

呢個問題我早有所聞，今晚我突然間想睇下《加速世界》，順便8埋喺咩回事

sha1b18

QQ312 发表于 2012-12-7 01:54
呢個問題我早有所聞，今晚我突然間想睇下《加速世界》，順便8埋喺咩回事

答案我開帖嗰陣張帖已經講過,
不過都仲係有一大班人好似唔睇帖咁係問講係咁問問到煩- -

QQ312

sha1b18 发表于 2012-12-7 02:11
答案我開帖嗰陣張帖已經講過,
不過都仲係有一大班人好似唔睇帖咁係問講係咁問問到煩- -

你應該回距哋 ：如對本帖內容有任何疑問，請自動撥打120轉醫療服務

sha1b18

QQ312 发表于 2012-12-7 02:25
如果飄雪有設置樓主自動回覆功能，你應該輸入如下內容比距哋 ：如對本帖內容有任何疑問，請自動 ...

自動回帖機係有,不過貌似無呢個功能,加上論壇用呢樣野可以話係呃帖

blueeyes

其實我一直唔明佢cut左「偷襲+砍首」個段有幾犯駁…我認我冇認真睇…但佢之前唔提自己「偷襲+砍首」呢d咁卑鄙既行為，後尾先肯講/俾人囉出黎講……咁有咩問題呢？佢之前提過自己同其餘六王互相撕殺，後面再補充其實係開始撕殺之前佢曾經「偷襲+砍首」…有咩位係犯駁架？

即係我同你講，我同個班人絕左交，之後再補充話絕交前其實有寫絕交信者…有幾不明所以呀？我完全明唔到個問題係邊…其實係班人睇左原版睇上腦，唔抵得TVB戇居居咁cut左d重要劇情，然後又要加返咋？咁我都認同TVB今次係抵死既，既然你最後都係要播出街，咁你開頭cut乜鬼……但佢抵死還抵死，同佢有冇令觀眾不明所以係兩回事。

其實如果唔係後面d劇情要再提Black Lotus對「偷襲+砍首」呢件事耿耿於懷既話，就算TVB cut左呢段完全唔播，都唔影響你理解佢個故事架喎～你唯一要知既只係佢同其他六王因為升Lv10既事反左面者。



BTW，阿sha係邊張帖答過問題…小藍又想睇…

classical

楼上讲得冇错 tvb咁cut可能系认为呢件事对black lotus嚟讲系一件不堪回首嘅往事 咁推理就合理啦 反正我系咁理解咖啦！！！

sha1b18

blueeyes 发表于 2012-12-7 07:52
其實我一直唔明佢cut左「偷襲+砍首」個段有幾犯駁…我認我冇認真睇…但佢之前唔提自己「偷襲+砍首」呢d咁卑 ...

我嗰張帖

heavy_arms

终于有人可以响另一个角度睇问题啦，而且可以表达到令其它人都理解到添。