TVB版西片《生化危機》前五部曲配音表

JVT

影片名稱 生化危機之變種生還者 Resident Evil
（真人電影全系列第一部，密室逃殺類型）


首播日期 30/10/2005


重播日期 16/7/2006、15/3/2021


播放頻道 明珠台


備註 2002年美國電影


配音員 角色名稱 演員

鄭麗麗（麗麗配西片嘅代表作，聲線剛中帶柔好食個角色）——艾玲（全片冇提過角色名但係可以參考續集，Milla Jovovich飾演）
（女主角，暫時失憶嘅傘子企業保安特工，同思朋以假夫妻身份看守“蜂巢”秘密入口）

黃麗芳——玲（Michelle Rodriguez飾演）
（傘子特種部隊隊員，性格cool爆，同志達關係密切）

林保全（已故）——晏麥德（Eric Mabius飾演）
（以警察身份闖入掩飾“蜂巢”入口嘅大宅，但佢其實係一個……）

潘文柏——思朋（James Purefoy飾演）
（暫時失憶嘅傘子企業保安特工，同艾玲以假夫妻身份看守“蜂巢”秘密入口）

陳卓智——家平（Martin Crewes飾演）
（傘子特種部隊隊員，負責電腦技術支援）

陳欣——隊長（Colin Salmon飾演）
（傘子特種部隊隊長，身手了得）

林元春——紅后（Michaela Dicker飾演）
（控制“蜂巢”電腦嘅人工智能，因為T病毒洩漏而殺死“蜂巢”內部所有人，形象為血紅色嘅細路女全息影像）

黃啟昌——志達（Pasquale Aleardi飾演）
（傘子特種部隊隊員，同玲關係密切）

雷碧娜——救護員（Liz May Brice飾演）
（傘子特種部隊隊員，負責救護同醫療）

黃鳳英——晏麗莎（Heike Makatsch飾演）
（晏麥德個妹，潛入“蜂巢”做臥底，試圖揭發傘子企業嘅惡行）




影片名稱 生化危機之殲滅生還者 Resident Evil: Apocalypse
（真人電影全系列第二部，城市混戰類型）


類別 電影


首播日期 23/10/2010


重播日期 17/7/2011、24/4/2017、16/3/2021


播放頻道 明珠台


備註 2004年美國電影


配音員 角色名稱 演員

鄭麗麗——艾玲（Milla Jovovich飾演）
（第一女主角，前傘子企業“蜂巢”高科技中心保安主任，因為細胞同T病毒完美融合而成為身體機能超越常人嘅人形“怪物”）

陸惠玲——韋芝蓮（Sienna Guillory飾演）
（第二女主角，停職中嘅浣熊市特種拯救隊明星特警，身手不凡，好早就發覺喪屍嘅威脅，同比頓係老友）

蘇強文——柯卡鲁（Oded Fehr飾演）
（男主角，傘子特種部隊成員，戰鬥能力強悍，率領兩名同袍試圖突圍求生）

雷霆——甘（Thomas Kretschmann飾演）
（浣熊市“消毒”行動指揮，心狠手辣，除此之外佢似乎仲有另一個任務）

招世亮——魏查理（Jared Harris飾演）
（傘子企業先進遺傳學兼病毒研發部主管，下肢癱瘓，視自己個女為命根）

陳琴雲——魏安琪（Sophie Vavasseur飾演）
（魏查理個女，暱稱“安安”，曾經同爸爸一樣有癱瘓之虞，T病毒嘅起源同佢有莫大關聯）

翟耀輝——艾（Iain Glen飾演）
（於片尾現身嘅傘子企業科學家，似乎盤算緊新嘅陰謀）

梁偉德——華萊德（Mike Epps飾演）
（暱稱“阿華”，陀住兩枝金色手槍，只不過睇得唔打得）

黃啟昌——比頓（Razaaq Adoti飾演）
（浣熊市特種拯救隊特警，因為隻腳畀喪屍咬咗一啖而變成唔知幾時會爆嘅定時炸彈）

劉惠雲（特別有意思，因為阿V以前做過亞視嘅天氣小姐）——莫泰麗（Sandrine Holt飾演）
（浣熊市第7台主播，揸住部CAM記錄浣熊市慘劇嘅過程）

翟耀輝——曾尼高（Zack Ward飾演）
（傘子特種部隊成員，同柯卡魯一齊搜救魏安琪）




影片名稱 生化危機3：絕種生還者 Resident Evil: Extinction
（真人電影全系列第三部，野外逃殺類型）


類別 電影


首播日期 24/7/2011


重播日期 23/9/2012、17/3/2021


播放頻道 明珠台


備註 2007年美國電影


配音員 角色名稱 演員

鄭麗麗——艾玲（Milla Jovovich飾演）
（第一女主角，為咗避開傘子企業衛星追蹤而單獨行動，身體受T病毒影響似乎出現咗新變化）

朱妙蘭——韋嘉兒（Ali Larter飾演）
（第二女主角，衛隊首領，帶住一班生還者四處遷徙求生）

蘇強文——柯卡鲁（Oded Fehr飾演）
（男主角，衛隊成員，同阿華一樣係浣熊市慘劇嘅倖存者）

翟耀輝——艾（Iain Glen飾演）
（傘子企業科學部主管，處心積慮要捉住艾玲以完成佢嘅研究）

梁少霞——超市（Spencer Locke飾演）
（衛隊成員，因為畀衛隊響K-Mart搵到，所以就用哩個做代號）

劉奕希（換咗人，冇阿德配得咁好玩，不過本作角色性格的確冇前作咁活潑）——華萊德（Mike Epps飾演）
（暱稱“阿華”，衛隊成員，同柯卡魯一樣係浣熊市慘劇嘅倖存者，同碧緹貌似有超友誼關係）

何璐怡？——白后（全片冇提過角色名但係可以參考佢姐妹電腦嘅命名，Madeline Carroll飾演）
（控制傘子企業北美基地電腦嘅人工智能，形象為白色嘅細路女全息影像）

雷霆（個人感覺應該同劉昭文調轉配）——米奇（Chris Egan飾演）
（衛隊成員，負責用無線電聯絡外面嘅生還者）

劉昭文（可能退行，個人感覺應該同雷霆調轉配）——程（Linden Ashby飾演）
（衛隊成員，牛仔look，武器係一枝來福槍）

黃淑芬（退行）——碧緹（Ashanti飾演）
（衛隊成員，負責救護同醫療，同阿華貌似有超友誼關係）

陳廷軒（已故）——奧圖（Joe Hursley飾演）
（衛隊成員，負責揸巴士，有唔駛開罐頭就估到裡面裝咩食物嘅特別技能）

梁志達——榮毅彬（Jason O'Mara飾演）
（傘子企業主席，從東京地下嘅傘子企業總部遙控指揮世界各地分部）

曹啟謙？——Slater（全片冇提過角色名，Matthew Marsden飾演）
（表面上係派嚟協助艾博士嘅人，實際上隨時準備取而代之）




影片名稱 生化危機：戰神再生 Resident Evil: Afterlife
（真人電影全系列第四部，本作配人名講英文原音，由地下打到機上再打到地面再打到船上）


類別 電影


首播日期 18/10/2014


重播日期 21/6/2015、28/2/2016、18/3/2021


播放頻道 明珠台


備註 2010年美國電影


配音員 角色名稱 演員

鄭麗麗——艾玲（Milla Jovovich飾演）
（女主角，究竟今次佢可唔可以成功做低榮毅彬同埋搵番去“桃源”避難嘅朋友？）

詹健兒（換咗人，話說好似未見過哩位演員有邊個常配）——韋嘉兒（Ali Larter飾演）
（於前作率領剩餘衛隊成員飛往“桃源”避難，但係事情似乎同計劃有所出入……）

潘文柏——韋基斯（Wentworth Miller飾演）
（洛杉磯堅壁監獄唯一一個依然畀人鎖住唔敢放出嚟嘅囚犯，因咩事大家都咁驚佢？）

葉振聲——尹路華（Boris Kodjoe飾演）
（之前係著名黑人籃球明星，洛杉磯堅壁監獄避難者，頗有威望而且貌似同柯安祖關係唔錯）

招世亮（換咗人，招sir把聲配得好串）——榮毅彬（Shawn Roberts飾演，演員換咗不過換得幾好）
（傘子集團主席，長期戴住副黑超，今次將會同艾玲決一死戰，最後到底誰勝誰負？）

陳永信——班納（Kim Coates飾演）
（以前係大電影製片家，洛杉磯堅壁監獄避難者，就算喪屍圍城都依然自視高人一等）

鄧志堅（把聲相當有男主角味，未來可能有機會擔大旗）——柯安祖（Sergio Peris-Mencheta飾演）
（洛杉磯堅壁監獄避難者，對通信同機械設備都有一定研究，貌似同尹路華關係唔錯）

劉惠雲——姬桃（Kacey Clarke飾演）
（洛杉磯堅壁監獄避難者，曾經去荷里活追夢不過失敗，廚藝同泳技了得）

黃積權——金陽（楊立文飾演）
（洛杉磯堅壁監獄避難者，班納嘅助手，不過性格同佢自大自私嘅老細唔多似）

黃玉娟（退行，高娟配咗幾句冇乜發揮）——韋芝蓮（全片冇提過角色名但係可以參考前後作，Sienna Guillory飾演）
（前浣熊市特種拯救隊特警，艾玲嘅朋友，疑似被傘子企業洗腦，片尾帶人嚟圍剿“桃源”）




影片名稱 生化危機之滅絕真相 Resident Evil: Retribution
（真人電影全系列第五部，本作配人名講英文原音，虛擬同真實場景交替混戰）


類別 電影


首播日期 28/6/2015


重播日期 19/2/2017、3/6/2018、19/3/2021


播放頻道 明珠台


備註 2012年美國電影


配音員 角色名稱 演員

鄭麗麗——艾玲（Milla Jovovich飾演）
（女主角，於傘子特種部隊圍剿“桃源”一役中被俘，跟住落嚟佢有冇辦法逃出生天？）

謝潔貞（換咗人，把聲後生咗而且聲演唔同性格都掌握得恰到好處）——玲嘅複製人（全片冇提過角色名但係可以參考第一部，Michelle Rodriguez飾演）
（提取玲嘅DNA複製而成嘅複製人，以虛擬浣熊市居民同傘子特種部隊成員身份出現，前者性格熱心，後者奉命行事）

陸惠玲（回歸接手，碌Lane功力唔錯同第二部嘅時候感覺完全兩個人）——韋芝蓮（Sienna Guillory飾演）
（傘子企業保安主管，艾玲嘅朋友，畀傘子企業控制思想之後變成搜捕艾玲嘅幫兇）

羅孔柔——碧琪（Aryana Engineer飾演）
（艾玲從虛擬浣熊市場景救出嚟嘅細路女複製人，將艾玲當做媽咪）

梁少霞——王愛達（李冰冰飾演）
（前傘子企業特工，榮毅彬嘅得力助手，跟老細一齊叛變，貌似同里昂有路）

陳廷軒（已故）——里昂（Johann Urb飾演）
（突擊隊領隊，貌似同王愛達有路）

葉振聲——尹路華（Boris Kodjoe飾演）
（突擊隊成員，艾玲嘅朋友，前作屈指可數嘅生還者之一）

朱子聰——巴利（Kevin Durand飾演）
（突擊隊成員，鍾意食雪茄嘅鬍鬚佬，同里昂關係唔錯）

招世亮——榮毅彬（Shawn Roberts飾演）
（前傘子企業主席，本作已經叛變，不過唔知佢改變立場幫助艾玲逃走究竟有咩目的）

陳欣（換咗人，角色性格唔同咗無可厚非）——柯卡魯嘅複製人（全片冇提過角色名但係可以參考第二同第三部，Oded Fehr飾演）
（提取柯卡魯嘅DNA複製而成嘅複製人，以碧琪嘅老豆同傘子特種部隊成員身份出現，前者性格顧家，後者奉命行事）

何寶珊（換咗人，跟到角色原聲配音員嘅冷峻feel）——紅后（Megan Charpentier飾演，Ave Merson-O'Brian聲演）
（控制傘子企業嘅人工智能，命令韋芝蓮帶隊追捕艾玲同王愛達）

李錦綸（換咗人，不過哩個角色冇乜發揮）——隊長嘅複製人（全片冇提過角色名但係可以參考第一部，Colin Salmon飾演）
（提取第一部傘子特種部隊隊長嘅DNA複製而成嘅複製人，純粹奉命行事）



P.S.：後期入職嘅配音員有好多個我分唔清把聲，大家如果知道嘅麻煩幫手補充下。同埋衷心希望TVB可以恢復番明珠930配音，將最後嗰部都配埋佢。

snzt

潘文柏配Miller其实唔系好适合

wulove

真是每日一發.......

JVT

snzt 发表于 2021-7-6 00:06
潘文柏配Miller其实唔系好适合

年纪唔夹定系声线唔夹？

snzt

JVT 发表于 2021-7-6 00:12
年纪唔夹定系声线唔夹？

两样都唔夹

JVT

snzt 发表于 2021-7-6 00:14
两样都唔夹

不过如果按完全食年纪食原演员声线嘅话，西片来来去去只可以嗰几丁友嚟配
例如以前保全叔，如果完全严格按照咁嘅标准，基本冇机会配主角

希索加

就知道第六部明珠台无播过粤语

vx2240w

多謝分享咁詳盡嘅生化危機配音資料,得閒不妨下載嚟睇返至得

dkmi

資料都好齊全下啊

验证码

衷心希望TVB可以恢復番明珠配音，將最後嗰部都配埋佢。