TVB版西片《生死時速續集》配音表

JVT

影片名稱 生死時速續集 Speed 2: Cruise Control
（被稱為史上最差續集電影之一，傳聞係珊迪娜·布洛最後悔拍過嘅電影）


類別 電影


首播日期 5/8/2001


重播日期 8/9/2002、18/10/2003、24/6/2023


播放頻道 明珠台


備註 1997年美國電影


配音員 角色名稱 演員

潘文柏（阿柏早期做過電視劇演員嘅經歷令佢嘅配音水平起點特別高）——蘇艾歷（Jason Patric飾演）
（片中角色名唔帶姓氏時用英文讀，男主角，洛杉磯特種部隊警察，編號4296589J，乜咁fit嘅人都會暈船浪嘅？）

陸惠玲（常配，個人感覺比起配第一部嘅時候碌lane表現更加放得開）——安妮（Sandra Bullock飾演）
（片中角色名多數用英文讀，女主角，馬路女殺手，雖然超唔鍾意自己男朋友做嘢搵命搏，不過查實自己都係龜睇唔到龜背脊）

黎偉明（已故，應該算早期常配，的確係天妒英才）——佳格（Willem Dafoe飾演）
（本片反派，由於長期身處有害工作環境而身中銅毒嘅前電腦工程師，被炒後打算撞爛「海上傳奇」號郵輪同偷走船上嘅鑽石）

招世亮（聽咗咁多年個人覺得招sir應該係第一期配音訓練班綜合實力最強嘅一位）——祖利（Temuera Morrison飾演）
（「海上傳奇」號大副，喺反派發難之後通知郵輪乘客疏散，最終以斷咗兩隻手嘅代價成功同男主角合作整停隻郵輪）

雷霆——馬斯（Brian McCardie飾演）
（「海上傳奇」號導航員，事出緊急而提出好多可以整慢隻郵輪嘅方法，影片中段聽從男主角指揮放水浸底艙降低船速）
P.S.：維基百科同哥頓聲庫館資料全部出錯，兩度地方都寫係阿So（蘇強文）配，而事實上全片都冇聽到阿So把聲。

李錦綸——丹迪（Royale Watkins飾演）
（「海上傳奇」號上嘅黑人攝影師，無論係安全定危難都去到邊影到邊，影片中後段同男主角輪流潛落水將郵輪轉向）

林元春——德露（Christine Firkins飾演）
（14歲嘅聾女乘客，依靠手語同人交流，反感父母凡事諸多限制，對有型有款又奮不顧身救自己嘅男主角情竇初開）

雷碧娜——Celeste（全片字幕冇打角色名不過台詞有提到，Lois Chiles飾演）
（台詞讀成“莎麗”，聾女嘅阿媽，郵輪疏散嗰陣發晒矛想搵單獨行開咗嘅女，影片中前段仲因為咁撞咗兩個救生艇乘客落水）

張炳強（退行）——路柏（Francis Guinan飾演）
（聾女嘅阿爸，成日同自己個女講唔好做哩樣做嗰樣，影片前段終於煩到個女抽筋導致佢一個人單獨行動仲韞埋lift）

林保全（已故）——阿頓（Jeremy Hotz飾演）
（「海上傳奇」號客艙服務員，雞啄唔斷，影片前段執房見到反派準備控制郵輪嘅設備而被對方打暈，後面畀男主角發現獲救）

陳永信——夏菲（Michael G. Hagerty飾演，演員已故）
（二撇雞肥佬乘客，影片中前段同老其他人畀反派鎖喺通道裡面，通道飆煙嗰陣畀其他人噴先好唔情願咁除咗條褲封通風口）

黃麗芳——Debbie（全片冇提過角色名，Colleen Camp飾演）
（二撇雞肥佬乘客老婆，影片中前段同其他人畀反派鎖喺通道裡面，通道飆煙嗰陣主動剝咗條裙封通風口仲勸老公都嗱嗱聲）
P.S.：維基百科同哥頓聲庫館資料都有筆誤，兩度地方都寫成係大Judy（蔡惠萍）配，實際上大Judy配嘅係大肥婆乘客露比。

蔡惠萍（退行）——露比（Patrika Darbo飾演）
（大肥婆乘客，影片前段喺反派推船長落水之後唔知頭唔知路同反派一齊selfie，影片中前段同其他人畀反派鎖喺通道裡面）
P.S.：維基百科同哥頓聲庫館資料都有筆誤，兩度地方都寫成係麗芳姐（黃麗芳）配，實際上麗芳姐配嘅係二撇雞肥佬乘客老婆Debbie。

梁志達——莫里（Glenn Plummer飾演）
（喺聖馬丁島買咗樓嘅黑人快艇船主，繼畀上一部男主角撞爛部積架之後，今鑊又畀女主角另一條仔「借」用艘快艇）
P.S.：維基百科同哥頓聲庫館資料寫係雷霆，不過聽角色聲談以及反復對比《火拼時速》第一部（阿達配）同第三部（雷霆配）嘅卡占美之後，更加傾向於該角色係阿達（梁志達）聲演嘅。

鄭麗麗——Marifa（全片冇提過角色名，Allison Dean飾演）
（黑人快艇船主嘅黑妹女朋友，因為條仔艘快艇畀男主角「借」用嚟追擊反派，因而跟住全程食花生）

黃子敬——簡（Tim Conway飾演，演員已故）
（喺洛杉磯幫女主角考車牌打分嘅考官，片頭片尾畀女主角兩次瘋狂折磨）

張炳強（退行）——布（Bo Svenson飾演）
（台詞讀成“布勒”，「海上傳奇」號船長，影片前段畀反派推落海遇害）

陳凱婷——莉莎（Kimmy Robertson飾演）
（「海上傳奇」號旅程總監，第一晚晚宴期間負責主持推銷鑽石展覽，影片中前段同其他人畀反派鎖喺通道裡面）

盧國權——法蘭（Charles Parks飾演）
（大煙癮乘客嘅老公，影片中前段同其他人畀反派鎖喺通道裡面，被解救之後叫女主角拎開手上把電鋸畀大家出嚟）

袁淑珍——Constance（全片冇提過角色名，Susan Barnes飾演）
（大煙癮女乘客，影片中前段同其他人畀反派鎖喺通道裡面，影片中段同老公將聾女從男主角手上送翻去佢父母度）

盧國權（本系列該角色常配）——麥（Joe Morton飾演）
（洛杉磯特種部隊警察黑人隊長，男主角上司，今次剃咗光頭，片頭同男主角聯手行動令女主角發現男主角唔係沙灘巡警）

林元春——Sheri Silver（全片冇提過角色名，Tamia飾演）
（「海上傳奇」號舞會女歌手，影片中前段同其他人畀反派鎖喺通道裡面，因為上下真空所以通道飆煙嗰陣冇除衫封通風口）

鄭麗麗——Isabel（全片冇提過角色名，Jessica Diz飾演）
（坐「海上傳奇」號度蜜月嘅女乘客，第一晚晚宴期間畀老公送咗條鑽石頸鍊，影片中前段同其他人畀反派鎖喺通道裡面）

梁志達——阿里（Enrique Murciano Jr.飾演）
（坐「海上傳奇」號度蜜月嘅乘客，第一晚晚宴期間買咗條鑽石頸鍊送畀老婆，影片中前段同其他人畀反派鎖喺通道裡面）


P.S.：今次係寫咁多次配音表聽到出場人數最多嘅一次，除咗配音表列出具體角色嘅聲演陣容之外，本人至少仲聽到馮錦堂、林丹鳳、陳欣、鄺樹培幾位出聲，所以全片至少有25位配音員參與。本片配音期間正值2001年，恰逢亞視粵語配音組解散導致大量配音員流入無綫，因此當時無綫粵語配音組可謂群星閃耀。而且唔知係唔係有啲配音員檔期衝突，本片出現兩個配音員混配一個角色嘅狀況，因此另外列喺下面而唔放入正式配音表。

曾秀清+劉惠雲——Fran Fisher（全片冇提過角色名，Connie Ray飾演）
（大肥婆乘客嘅瘦細妹，大部分時間係阿清配，影片前段同反派selfie嗰陣係阿V配）

snzt

明珠台配配下变另一吧声时有啊，都系发生系小角色度

JVT

snzt 发表于 2023-6-28 18:32
明珠台配配下变另一吧声时有啊，都系发生系小角色度

系喇，你听唔听得出最后开快艇嗰个黑人到底系雷霆定阿达？其实我到而家都唔多确定得到，因为配音员系摙住把声嚟配嘅

snzt

JVT 发表于 2023-6-28 18:41
系喇，你听唔听得出最后开快艇嗰个黑人到底系雷霆定阿达？其实我到而家都唔多确定得到，因为配音员系摙住 ...

系阿达，距用咗樱木花道吧声去配

JVT

snzt 发表于 2023-6-28 22:05
系阿达，距用咗樱木花道吧声去配

哈哈哈，我仲以为我对比咗两部戏都仲错添……

canon3000

個時真係最強配音! 之後加埋阿昌個班, 仲勁多幾錢!

神之影

楼主好多资讯

q33667

谢谢科普

master

很精彩的电影

asd2008asd

每次配音表都介绍好详细