TVB西片《風月俏佳人》（重配版）及《走佬俏佳人》配音表
本帖最后由 JVT 于 2023-7-12 05:50 编辑影片名稱 風月俏佳人 Pretty Woman
（一齣唔知點解會紅咗咁多年嘅愛情喜劇，當時令李察·基爾同新晉嘅茱莉亞·羅拔絲瞬間變身荷里活炙手可熱嘅一線明星）
首播日期 23/5/1992
重播日期 3/9/1993、17/12/1994、18/5/1996、15/8/1999、10/2/2002、13/5/2006、1/9/2007、6/3/2009、11/2/2010、8/2/2014、13/12/2015、13/2/2022、24/11/2022、8/6/2023
播放頻道 明珠台
備註 1990年美國電影
配音員 角色名稱 演員
鄭麗麗（配得好落力仲唱埋歌添）——翁葦芸（Julia Roberts飾演）
（女主角，受生活所逼而喺洛杉磯荷里活大道做妓女企街拉客，作風張揚，同男主角嘅相遇相處使到自己重拾自信以及夢想，最終山雞變鳳凰）
P.S.：據資料顯示，該角色首配版由袁淑珍聲演。
陳欣（常配）——陸艾樺（Richard Gere飾演）
（男主角，陸氏企業老闆兼商界黑武士，由於寄情工作而同過往伴侶疏離變成鑽石王老五，同女主角相知相愛，並且從此改變自己嘅處世方式）
P.S.：據資料顯示，該角色首配版由黃健強聲演。
陳永信——薛菲臘（Jason Alexander飾演）
（幫男主角做咗嘢10年嘅律師，又貪錢又鹹濕，搏晒老命鼓動男主角收購莫氏工業，影片後段企圖侵犯女主角結果畀男主角打爆個鼻掃地出門）
P.S.：據資料顯示，該角色首配版由源家祥聲演。
曾秀清（阿清對角色嗰種飛女feel揣摩得好到位）——魯潔（Laura San Giacomo飾演）
（女主角同屋住兼老死，同女主角一齊喺洛杉磯荷里活大道拉客，雖然吸毒不過心地唔壞，影片前段陰差陽錯令到女主角同男主角相遇結緣）
P.S.：據資料顯示，該角色首配版由黃麗芳聲演。
潘文柏——湯百納（Hector Elizondo飾演）
（洛杉磯比華利威謝爾麗晶酒店經理，冷面熱心，為咗維護酒店聲譽而幫助女主角改變風塵形象，並喺同對方相處嘅過程中產生深刻友誼）
陳曙光（退行）——莫杰（Ralph Bellamy飾演，演員已故）
（莫氏工業老闆，因為公司陷入財政危機而面臨被男主角收購嘅命運，用盡一切努力想保住自己40年嘅心血結晶）
馮錦堂——莫大維（Alex Hyde-White飾演）
（莫氏工業老闆個孫兼未來接班人，鍾意打馬球，影片中前段陪自己阿爺同男主角講數）
張錦江——賀（Larry Miller飾演）
（男主角帶女主角入去嗰間服裝店嘅經理，喺男主角嘅金錢誘惑之下對女主角服務周到，發散晒成鋪頭啲人幫女主角重新大規模裝身）
P.S.：聽真啲修正一下。
蔡惠萍（退行）——比婕（Elinor Donahue飾演）
（比華利威謝爾麗晶酒店女裝部職員，受酒店經理吩咐幫女主角揀咗件黑色晚禮服，令女主角逐步開始脫胎換骨）
影片名稱 走佬俏佳人 Runaway Bride
（同樣出自加利·馬素導演之手嘅愛情喜劇，堪稱《風月俏佳人》姊妹篇）
首播日期 15/2/2003
重播日期 31/7/2004、6/5/2005、21/9/2007、14/2/2011、15/6/2023
播放頻道 明珠台
備註 1999年美國電影
配音員 角色名稱 演員
袁淑珍（常配）——賈美琪（Julia Roberts飾演）
（女主角，人稱“走佬新娘”，喺馬里蘭州黑爾市幫屋企打理五金鋪，曾經三次逃婚成為鄉中笑柄，同特登嚟揭自己陰私嘅男主角鬥智鬥勇）
陳欣（常配）——金艾基（Richard Gere飾演）
（男主角，今日美國專欄作家，由於寫女主角多次逃婚嘅故事而被對方投訴自己失實慘遭炒魷，為咗挽回名譽於是親自去黑爾市想踢爆女主角）
黃鳳英——范碧姬（Joan Cusack飾演）
（女主角死黨，喺馬里蘭州黑爾市經營髮型屋，對女主角大情大性而且毫無主見嘅性格既了解又戥對方憂愁，一直喺精神同行動上支持好姊妹）
潘文柏——波（Christopher Meloni飾演）
（女主角第四任未婚夫，中學體育部主任兼美式足球隊教練，食蛋齋食白，習慣用運動心理學嚟解釋生活上嘅問題，對女主角缺乏真正了解）
譚炳文（已故，常配）——費沙（Hector Elizondo飾演）
（男主角前妻現任老公，今日美國職員，幫男主角諗到翻身嘅機會，促使男主角去馬里蘭州黑爾市刮料並間接令佢同女主角變做歡喜冤家）
黃麗芳——愛蓮（Rita Wilson飾演）
（男主角前妻，今日美國編輯，12年前同男主角離咗婚，不過自己以及現任老公都同前夫係最好嘅朋友）
源家祥（已故）——賈華達（Paul Dooley飾演）
（女主角阿爸，成日醉酒嘅肥佬，經常性攞自己個女三次嫁唔出嘅事嚟講笑，搞到女主角尷尬又冇面）
區瑞華（退行）——賈（Jean Schertler飾演，演員已故）
（女主角阿嫲，外表睇起身懵懵懂懂，實質上係懵懂得嚟又喺男女情感方面做到旁觀者清）
雷碧娜——曹比提（Laurie Metcalf飾演）
（喺馬里蘭州黑爾市經營餅鋪，幫女主角整生日蛋糕同搞婚前聯歡舞會）
林丹鳳——皮（Jane Morris飾演）
（喺馬里蘭州黑爾市經營餐廳嘅寡婦，貌似對女主角阿爸有好感）
曾秀清——仙蒂（Kathleen Marshall飾演）
（女主角表姐，喺馬里蘭州黑爾市髮型屋幫人搽指甲油，養咗隻叫芽菜仔嘅狗，幫女主角做咗幾次婚禮嘅伴娘）
李錦綸——佐治（Reg Rogers飾演）
（女主角第三任未婚夫，昆蟲學家，鍾意食烚蛋，當年因女主角逃婚而懷恨在心，片頭向缺乏寫作靈感嘅男主角爆女主角逃婚嘅往事）
盧國權——柏恩（Donal Logue飾演）
（女主角第二任未婚夫，天主教神父，鍾意食鹽胡椒香草炒蛋，雖然冇為女主角逃婚而嬲不過仲係覺得同女主角見面比較尷尬）
馮錦堂——吉（Yul Vazquez飾演）
（女主角第一任未婚夫，愛好玩音樂嘅車房老闆，鍾意食煎蛋，為女主角紋咗朵玫瑰花喺左前胸上面）
沈小蘭——依玲（Lisa Roberts Gillan飾演）
（今日美國女職員，影片後段參加男主角婚禮嗰陣同女主角第四任未婚夫意外因體育話題結緣）
盧國權——曹老（Allan Kent飾演）
（餅鋪老闆娘老公，喺女主角第四次行禮嗰陣用相機影相唔覺意破壞氣氛，引發女主角第四次逃婚）
陳永信——范哥利（Tom Hines飾演）
（馬里蘭州黑爾市WHALE台播音員兼棒球運動員，主持早晨節目《范筒叫醒你》，以前同女主角拍過拖不過目前已經同女主角好姊妹結咗婚）
據統計有7位演員同時參演以上兩部戲，具體如下：
演員 《風月俏佳人》角色 《走佬俏佳人》角色
Julia Roberts 翁葦芸 賈美琪
Richard Gere 陸艾樺 金艾基
Hector Elizondo 湯百納 費沙
Kathleen Marshall 酒店接待處四眼日班職員 仙蒂
Larry Miller 賀 紐約酒吧酒保
Allan Kent 侍應（徒手接法國蝸牛） 曹老
Patrick Richwood 丹尼（撳lift嘅bellboy） 婚禮其中一個報道記者
印象中未聽過袁淑珍配年青女一 leung902 发表于 2023-6-20 00:47
印象中未聽過袁淑珍配年青女一
我觉得珍姐把声配后生女效果唔会几好，因为本身声底太偏向男仔声，仲男仔头过丽芳姐 JVT 发表于 2023-6-20 00:56
我觉得珍姐把声配后生女效果唔会几好，因为本身声底太偏向男仔声，仲男仔头过丽芳姐 ...
请问一下，《风月俏佳人》重配版是哪一年开始的？ JVT 发表于 2023-6-20 00:56
我觉得珍姐把声配后生女效果唔会几好，因为本身声底太偏向男仔声，仲男仔头过丽芳姐 ...
对啊，就算距配后生女都系男仔头个只 kingsky80 发表于 2023-6-20 01:11
请问一下，《风月俏佳人》重配版是哪一年开始的？
从2010年2月11日之后就是重配版了，所以我想首配版应该是有流传的，只是从来没见过 snzt 发表于 2023-6-20 01:12
对啊，就算距配后生女都系男仔头个只
话说前排听得丽芳姐把声多，打配音表打得多佢个名，一下子习惯手势将《安娜与国王》里面珍姐配嗰个暹罗王子写成系丽芳姐配嘅添{:9_382:} PRETTY WOman!!! JVT 发表于 2023-6-20 01:30
话说前排听得丽芳姐把声多，打配音表打得多佢个名，一下子习惯手势将《安娜与国王》里面珍姐配嗰个暹罗王 ...
两个都经常配小男孩声吧，不过黄丽芳吧声无咁男仔头，成熟女性都仲得喔 本帖最后由 joe2010 于 2023-6-20 08:45 编辑
JVT 发表于 2023-6-20 00:56
我觉得珍姐把声配后生女效果唔会几好，因为本身声底太偏向男仔声，仲男仔头过丽芳姐 ...
多谢楼主分享《風月俏佳人》（重配版）及《走佬俏佳人》配音表
除左《宝贝智多星1》（配男主角嘅家姐）同埋《骄阳似我》（配男主角嘅女友，系在读女大学生），其余都冇乜印象珍姐佢配过后生女