光光光 发表于 2016-12-18 02:04
聽清楚，
我係話「政治冷感係唔會明」，
唔係話「你政治冷感係唔會明」，
唔好意思，我中文水平講真真係唔多好，請你唔好見怪！！
其實我覺得宜家好多人睇動畫，特別係追新番ge有好多都會睇左題材先，然後睇畫風、人設咁，再來就係睇制作團隊，最後如果會追聲優ge就會睇埋個陣容，睇晒先決定會唔會追個套野！！
當然，如果好多人都話好睇當然都係主要原因之一！！
好似今次新番就爆出個大冷門出來，有套野播之前無咩人留意，開播之後一班人話好睇就成批人開始追，結果搞到呢套野宜家紅爆，一講就大家都識！！
所以講真，畫風、人設、故事背景等都係重大因素！！
光光光 发表于 2016-12-18 16:00
我以題材為主，
除非畫風太過離譜，
唔係都會照睇。
我其實都睇題材先，始終先入為主！！
其次就係畫風，之後係聲優陣容，最後先到製作團隊！！
如果見好多人討論同睇我都會留意下
畫風如果要談得上離譜其實好難，因為可以製成動畫畫風點都唔會太差，另外日本人畫畫又唔錯，基本問題唔大！不過近年多左好多原創動畫呢樣就真ge，畫風較難觸摸！！
其實動畫中經常都出現好多崩壞鏡頭，所以其實畫風好有時都無咩用，最重要係穩定唔好咁多崩！！我見過有好幾套野畫風都唔錯，可惜過左頭個1、2集後就每集都崩到嚇死人。。。真係睇都睇到想喊
講起畫風，回憶起以前進擊開始連載同播個陣都有好多人話呢套野唔多吸引因畫風問題！然後呢？班人米又係俾個故事同聲優陣容吸引不停追住睇！！所以畫風都好重要
动画真少！
光光光 发表于 2016-12-19 21:06
其實聲優堅係唔係太理。
所以我之前都同你講，係我地呢類聲優控會特別留意呢樣！！因為自己迷邊個聲優都會特別想個個人聲演作品同角色，同追星差唔多！！
雖然有好多人都迷聲優，不過近年迷聲優都唔係因為佢把聲而係靚唔靚。。。只有好少數真係會因為個聲優把聲同個人而鐘意佢！！
我都無或唔會強求其他人好似我咁咁蠢，不過講真你一旦迷上某位把聲並且你又係睇日文ge，基本每次有新番/遊戲等你都會特別留意有無佢份，有ge大概都估到個角色係咩感覺！！
另外聲優間都有好多有趣事，再加上好多時每套作品開播前同完結後都會有event，假如你留意作品都會睇下ge我相信！！
其實聲優把聲真係殺人，一旦迷上你就會永不超生！！
好似諏少，把聲又性感又容易辦認，唱歌又好聽！仲有卡米亞，n咁多主役都佢份因為把聲好贊仲有役卡卡西ge井上papa，如果你迷火影ge無咩可能唔識！！等等
總之唔係聲優控基本唔會留意呢樣野！！
講番轉頭，其實每套新番都會有原著同pv，基本如果你有興趣睇左pv就已經會想追落去！！如果唔係就可以好似大多數人咁無睇過原著又無睇pv，套野係咩都唔清楚，不過見唔少有追同睇，又贊不絕口，於是自己就會追來睇！！我有好多時就係後者！！因為始終無咩可能人人都有咁多時間留意咁多野同睇晒咁多套！再假如你又有玩開其他論壇ge，見到人地有截圖又有評論，你睇下睇下自自然就會開始追個套野！！
不過話到尾，如果你畫風好，基本已經吸左一班粉絲先我可以肯定！！
光光光 发表于 2016-12-20 20:46
我就真係唔係幾識點評聲優把聲。
唔駛評，只係你聽落去ge感覺而已！！好似你聽無線以前d配音好舒服，但宜家果d就。。。咳咳，有好有唔好啦！！
其實無咩，就係有d人把聲你聽上去一聽就會好深刻一定認得，而且成個人感覺好舒服ge就已經係可以！！所以點解日本個邊連日劇都搵聲優把聲來做手機鈴聲，因為人地果d人把聲真係好掂好贊，一聽就死人咁！！
舉個最簡單例子，你如果係高達迷(睇你應該係)，應該無理由唔識傳奇人物阿姆羅吧？！佢把聲ge聲優就係古谷徹，呢個應該知吧？！佢把聲仲有馬沙果把，池田秀一，呢兩把傳奇之聲，基本係唔係高達迷都應該好深印象，係高達迷就更加添！呢兩把聲係你由個個年代開始聽完後到宜家都忘記唔到ge咁就已經係把好聲，因為令人印象深刻！！
只能夠講聲優呢樣野你有心就會追同留意，無心ge睇過聽過就算！！始終日本野唔係個個受落，而且聲優其實係香港真係唔太多人識！！
不過你如果有留意C3的話，應該有留意到呢兩年都有請聲優來港！！我只係去過一次，依我所見都好多人，爆晒！！當然有男有女！！而且動漫節好似都有，上年我記得好勁，一請就請左3個，翔太、增田，羽毛！！基本都係新人中幾有名氣ge幾位啦算係！！
呀！如果你話你鐘意鐵血，無記錯今年C3就係請左鐵血ge聲優來，我只係記得有主役之一細谷，另外個個真係唔多有印象！！其實你有呢套野你都可以留意下！！
最後，聲優純屬個人喜好，近年多人留意同追聲優係因為聲優開始多樣化，唔再只係靠把聲，仲有個樣同唱歌等！！呢樣就要多得個邊某幾套野ge緣故，最知名莫過於歌王！！如果係遊戲迷咁就應該算係OTP同薄櫻掛我諗！！
光光光 发表于 2016-12-22 00:29
以我追番速度真係好難再分心睇相同聲優其他作品。
我的天，你追番係咩神速呀？！
我都追番，但問題係應該唔會係套套都追掛？！總有好幾套你無興趣唔想睇掛？！
我只能夠講如果你係追開新番ge大概有幾日ge番你多數會追同有興趣，應該係星期二、四、六同日！！極其量星期一！！星期日就一定，因為大部份受歡迎或者第一季高人氣ge都會放係呢日播！！算係慣例！！星期一就新開ge番多，星期四可以話係bl類型番多！！星期六可以算係進入第二季但人氣無星期日播個d咁高ge動畫啦！！我大概只能劃分成咁！！
假若你真係神速或光速追番的話我唔知講咩好
我大概一次季番追ge唔會多過5套左右我諗！！除非係之前已經睇開第一季，唔係真係無咩時間同心機去追！！
另外你根本唔駛特登話睇定唔睇，你睇個陣一聽把聲就已經知係邊個，好自然！！好似你睇廣告同聽電台，你一聽個把聲就會知係邊個！！再唔係你睇ED都得，ED播個陣一定一來就係監督咩ge，然係一陣自然必定就會係聲優名表！！你係個度完全可以睇清邊個角色係咩聲優，完全唔駛愁！！
期待粤语版的田中君為何這樣懶惰！
光光光 发表于 2016-12-22 20:04
因為一至日都返工。
原來你個意思係咁，我仲以為你指ge係你差唔多套套追都追添！！
我都係得閒先至追返來睇，不過有d之前睇過原著或者第一季，又或者睇過簡介覺得鐘意ge就一定幾難都追！！始終睇過第一季無可能出第二季唔睇掛？！最慘反而係有d佢出好多季，等佢出已經係問題，再加上播個陣追就簡直係挑戰！！
好似我追開有套野，原著一年先出個3話，咁你諗下佢動畫要幾耐先出得完如果全套動畫化！！套野出完第一、二季後足足相隔八年有多先再出第三季，你話呢個係咩狀況！！
長篇連載更係折磨，好似火影同one piece咁！！火影動畫3月就完，你諗下one piece仲有幾耐
不過追聲優唔同，你係真係鐘意個聲優你先追，加上宜家新人多，唔係個個或者有年資ge聲優都套套有份！！但如果你係好似卡米亞呢種咁你就辛苦d，人紅所以差唔多次次季番都有佢，仲要一次幾套！！
如果你對聲優真係有興趣強烈建議你可以睇下作品見面會先，咁樣會容易接受同理解！！
一部都不认识的我真系屌丝
淨喺得J2冇翡翠？