TVB西片《異形第三集》配音表（附第四部配音簡表）

JVT

影片名稱 異形第三集 Alien 3
（全系列第三部兼大衛·芬查獨立執導嘅處女作，該片當年推出嘅時候口碑撲街，票房差強人意）


首播日期 22/4/1995


重播日期 5/5/1996、7/9/1997、?/?/199?、23/8/2008、14/8/2022


播放頻道 明珠台


備註 1992年美國電影


配音員 角色名稱 演員

盧素娟（已故，常配）——艾·寶莉（角色全名引用自第四部，Sigourney Weaver飾演）
（女主角，美軍中尉，前作事件當中唯一生還嘅人類，因為所在嘅2650緊急逃生船墜毀而流落霹靂161星球，被迫同一大班雙Y染色體罪犯為伍）

陳欣（阿Ken嘅聲演演技固然可以勝任不過硬係覺得有更好人選）——迪朗（Charles S. Dutton飾演）
（5年前帶領一班囚犯留低喺霹靂161勞改監獄唔走嘅四眼黑人神父，律己律人，影片後段當眾宣佈決心同女主角合作拚死鬥異形）

鄧榮銾（退行，鄧sir把聲配出咗角色飽經風霜嘅滄桑感覺）——柯文（Charles Dance飾演）
（霹靂161勞改監獄首席醫官，同女主角過從甚密仲發生埋關係，有過一段自己不堪回首嘅往事，影片中段喺醫療室為異形突襲所殺仲帶走埋條屍）

招世亮（招sir認真好戲將個角色頭腦簡單嘅特點完全表現到出嚟）——艾倫（Ralph Brown飾演）
（霹靂161勞改監獄獄卒，花名“85”，對上級懷有一種盲從嘅天真心理，影片中後段拒絕同其他人合作對付異形而係選擇自己一個等救援隊嚟）

陳永信（信哥用極其幽默嘅語言語調突出角色自以為是嘅性格）——安德魯（Brian Glover飾演，演員已故）
（霹靂161勞改監獄獄長，全力維持監獄嘅穩定，認為女主角留低喺度會帶嚟騷亂嘅隱患，直到自己喺眾目睽睽下畀異形擒殺之前都唔信有異形存在）

張錦江+林國雄——摩斯（Danny Webb飾演）
（霹靂161勞改監獄囚犯，本來超級貪生怕死，經過神父激勵之後毅然加入對抗異形嘅行列，喺結局成為本作異形襲擊事件當中唯一嘅倖存者）
P.S.：出現混配狀況，大多數時候由張錦江聲演，雄叔（林國雄）配嗰幾句全部都喺影片後段異形展開追逐前該角色發現有啲隧道門閂唔到嗰陣，可能係導配一時疏忽。

張炳強（退行，繼續配前作同一個角色）——主教&主教設計者（Lance Henriksen飾演）
（前者係前作末段畀異形皇后條尾切開兩邊導致喪失功能嘅人造人，後者係韋倫油谷集團派嚟氹女主角跟佢哋走嘅人造人設計者）
P.S.：據資料顯示，前作該角色首配版及重配版均由張炳強聲演。

林國雄——大衛（Pete Postlethwaite飾演，演員已故）
（霹靂161勞改監獄囚犯，影片中段搬桶嗰陣向女主角解釋獄卒點解叫“85”以及奎尼十六烷嘅危險性，影片後段臨死前發覺異形兜咗去自己背後）

何國星（退行，阿星把聲太少喺西片出現真係唔多認得）——奇雲（Phil Davis飾演）
（霹靂161勞改監獄囚犯，影片前段喺停屍間發現女主角猛咁摸前作細路女條屍，影片後段第一個畀異形追，最後雖然畀神父救走但依然傷重致死）
P.S.：存疑，開始認為係張錦江，但係網友snzt提到片中有阿星（何國星）把聲出現，聽多次感覺阿星配嘅可能係哩個角色，而維基百科同哥頓聲庫館都寫鄧sir（鄧榮銾）就絕對有誤。

馮錦堂——梅菲（Chris Fairbank飾演）
（霹靂161勞改監獄囚犯，狗仔大釘嘅主人，亦係本作第一個受害人類，畀異形突然襲擊面部之後由於劇痛唔小心碌埋去風扇度變咗做肉醬）

黎偉明（已故）+張錦江——高力（Paul McGann飾演）
（霹靂161勞改監獄囚犯，連環殺人犯，目睹另外兩位倉友畀異形殘殺之後走甩咗不過嚇到情緒失控，畀獄長一口咬定殺咗嗰兩個囚犯兼且被束縛）
P.S.：出現混配狀況，前面畀神父審問嗰陣疑似由張錦江聲演，後面一個人瞓喺床度胡言亂語嗰陣由黎偉明聲演，總體嚟講黎偉明配嘅對白多啲，可能又係導配一時疏忽。

馮錦堂——伯斯（Leon Herbert飾演）
（台詞有時讀成“柏斯”，霹靂161勞改監獄囚犯，額頭紋十字架嘅黑人，本作第三個受害人類，粗口爛舌，影片中前段畀異形從頭殼頂捉住爆頭）

蘇強文——雷恩（Christopher John Fields飾演）
（霹靂161勞改監獄囚犯，本作第二個受害人類，影片中前段喺檢查通風井附近啲蠟燭點解會熄嘅時候撞到異形，隨即遇害）

陳欣——Frank（全片字幕冇打角色名不過台詞有提到，Carl Chase飾演）
（台詞讀成“法蘭”，霹靂161勞改監獄囚犯，影片開頭入緊急逃生船船艙檢查嗰陣發現女主角仍然生還，影片中段畀異形襲擊搞到啲奎尼十六烷爆炸）

陳永信——朱特（Vincenzo Nicoli飾演）
（霹靂161勞改監獄囚犯，經常戴住頂黑色帽，影片後段畀異形追緊嗰陣一路跑一路向神父求救，可惜仲係跑得唔夠異形快以致血濺當場）

蘇強文——葛格（Peter Guinness飾演）
（霹靂161勞改監獄囚犯，影片中段奎尼十六烷意外爆炸之後受傷要用紗布包住晒個頭，影片後段畀異形衝過嚟當住摩斯面前殺死）

鄧榮銾（退行）——Eric（全片冇提過角色名，Niall Buggy飾演）
（霹靂161勞改監獄囚犯，影片後段見到異形從隧道出現嘅時候一度嚇到手足無措想提早開動活塞好在畀女主角成功勸阻，後尾橫屍隧道）

黎偉明（已故）——威廉（Clive Mantle飾演）
（霹靂161勞改監獄囚犯，獄長死亡之後喺倖存者開會嗰陣反對女主角嚟指揮並推舉神父）



另附第四部配音簡表（TVB應該係冇版權所以今輪冇播）：

盧素娟（已故）——艾·寶莉8號（Sigourney Weaver飾演）
沈小蘭——歌麗（Winona Ryder飾演）
林國雄——范斯（Dominique Pinon飾演）
潘文柏——莊拿（Ron Perlman飾演）
雷霆——基堤（Gary Dourdan飾演）
張炳強（退行）——韋（J. E. Freeman飾演，演員已故）
陳永信——賈迪文（Brad Dourif飾演）
黎偉明（已故）——艾志（Michael Wincott飾演）
陳欣——皮（Dan Hedeya飾演）
李錦綸——普榮（Leland Orser飾演）
馮錦堂——迪達（Raymond Cruz飾演）
曾秀清——希萊（Kim Flowers飾演）
黃麗芳——麻醉師（Carolyn Campbell飾演）
鄺樹培（退行）——老爹（Steven Gilborn聲演，配音員已故）

snzt

除咗以上，我仲听到有何国星出声

JVT

snzt 发表于 2022-8-31 03:46
除咗以上，我仲听到有何国星出声

何国星把声好少响西片出现，其实我都唔系好认得

Seon

今次翻播冇第四部真係伤心欲绝，本人真係好钟意第四部。

JVT

Seon 发表于 2022-8-31 10:02
今次翻播冇第四部真係伤心欲绝，本人真係好钟意第四部。

唔知版权响边个台，我净系知道而家viuTV买咗几十部西片，搞到我睇唔到好多明珠台高清重播嘅旧番配音

snzt

JVT 发表于 2022-8-31 07:15
何国星把声好少响西片出现，其实我都唔系好认得

的确少，何国星把声似周良鸿，异形3里面对白唔多

神之影

又有配音表！

JVT

snzt 发表于 2022-8-31 12:18
的确少，何国星把声似周良鸿，异形3里面对白唔多

我两个把声都唔多认得，如果系阿星嘅话就应该系集中响哩三笪地方：
1.见到女主角验细路女条尸嘅时候同医官讲“佢喺度搞乜嘢啊”
2.隧道追逐战开始之前举住火把向异形大嗌“嚟啊嚟捉住我啊笨”
3.响隧道撞到信哥配嗰个演员嘅时候问“E门究竟喺边个方向咖”

snzt

JVT 发表于 2022-8-31 12:24
我两个把声都唔多认得，如果系阿星嘅话就应该系集中响哩三笪地方：
1.见到女主角验细路女条尸嘅时候同医 ...

睇来你好熟悉啵，同黎伟明一样，呢部戏距两个存在感唔高，我想问下开头系唔系有把声系谢洁贞？

JVT

snzt 发表于 2022-8-31 12:29
睇来你好熟悉啵，同黎伟明一样，呢部戏距两个存在感唔高，我想问下开头系唔系有把声系谢洁贞？

唔系，好明显系曾佩仪，貌似《异形》重配版同《异形3》首配版嘅广播女声都系佢，唔知系唔系因为哩个时候佢准备离巢所以TVB叫佢配埋晒啲二打六