2018年夏日【J2動漫. 熱】強勢列陣！

kit_17

會唔會剪走亞絲娜沖涼起身嗰個鏡頭呢

iloveyusa

canon3000 发表于 2018-7-7 04:00
上年有播第一套劇場版的.

望就望仲有得播啦.

第一套？？唔通係總集篇個套？？我都無咩留意再所以唔知佢有無播過，不過如果係總集篇個個播唔播都無咩所謂，橫掂都係回顧第一季咁之麻！！期待佢會播熊本篇個套！！
基本tvb如果買左返來的話，而套野如果又有第幾季第幾季的話一般都會繼續買繼續播！！好似巨人都係！！不過呢套有d特別，因為第三季佢係基本真係換晒畫風同故事，第三季已經係主角們進入第二年的故事，所以比較擔心佢會唔會播落去，因為連角色都換左好多下所以。。。
光之美少女的話其實都買左同播左咁多輯基本已經夠我覺！！佢ge播放程度仲緊同密過任何一套新番咁制！！無話咩，我淨係好耐以前都已經短時間內睇左兩套咁多，簡直快到嚇親人！！連當年美少女都無咁密，所以無更咁快係正常！！

iloveyusa

feng 发表于 2018-7-7 11:01
事實上奇妙搞電視好慳，有D沒廣告收入嘅嘢但牌照要求只會做牌照最低要求嘅嘢，如果唔係都唔會成日重播有 ...

唔慳都唔得啦！！你諗諗個市場都已經接近飽和，你仲可以分到d咩？！佢肯重播都好，起碼以前有線兒童台都有幾套唔錯幾好睇，配音真係唔多差！！
動漫迷唔開電視睇理由好簡單，因為宜家根本無以前咁贊，無論係播ge野同配音基本都一落千丈！！你諗諗以前無J2都好，主台播個d衰極有限，而且多元化，以前會有數碼暴龍呀，爆旋陀螺呀，超速搖搖等等，呢幾套播個陣都掀起一陣同類玩具ge熱朝！！講真即使宜家人大左都會想睇返，點解因為真係好睇，而且播個d種類多，配音都好好！！但你睇下近年，都播咩，拎來同以前個陣比，簡直天同地比！！
我記得最後都頗受歡迎ge個套算係爆丸啦我諗，個陣我都會睇下，但之後果d。。。
難聽d講以前亞視都唔差，好好，起碼印象中男兒當入樽，EVA，頭文字呢類大作佢地都識同會去買，就連暴力同血腥ge最遊記佢地都肯買！！
但反觀現在又係點？！宜家基本香港肯投資ge都只會係大作，好似one piece呀火影呀呢類，其他小型作品基本無人願意冒險去買！！近呢幾年買得最多我都話基本唔係熱血呀就係運動作品。。。其他類型又點解唔肯試下播呢！！加上香港宜家播動畫ge速度簡直慢過隻蟻咁制，人地個邊播完，隔n咁耐香港先播，試問搵呀誰睇？！仲有宜家配音同翻譯都好多問題，唔係話好差，就係唔多好聽！！你知唔知宜家tvb動畫配音同翻譯係網上俾人話睇到笑，嚇親人！！咁可想而知好ge程度有幾好啦！！雖然我好支持本地配音，但有時唔掂就真係唔掂！！
我諗如果香港可以跟到人地速度去播的話會好d！！唔係話呢頭人地播完就要你即刻播，但唔該都唔好隔咁耐，唔係個個都寧願網上睇好過！！
我只係覺得，如果過左十二點播的話你有咩資格去投訴姐？！十二點前就話姐，深夜播又要投訴？？咁又唔見你去投訴下香港個d劇？！黃金時段播，又死人，又成身血，又粗口，你唔好去投訴？！
不過之前播暗殺都驚驚地因為呢套之前日本播都因為某種問題停個一兩集，所以香港會播真係有d意外！！
宜家其實好左d，真係肯買多其他類型來播，好似佢肯買YOI來播我已經好驚喜，因為呢套野熱係好熱，全球都好受歡迎，但當中內容其實比較敏感某程度上！！仲有歌唱番都係一個新發現！！只希望佢地以後可以繼續呢個方向每個類型作品都試下就好！！
咩話？？海賊王應該係播新，即係之前睇過下ge魚人島篇，如果從頭播，我諗播幾耐都播唔切，因為宜家人報播到800幾！！遊戲王的話呢個我想知係第一套即刻DM個套？！如果係我想睇下因為以前亞視呢套配得唔錯，不過後半就唔多掂換晒配音！！如果真係咁我反而希望可以繼續重播亞視以前ge動畫，好似提過EVA呀個d，不過可能性不大始終好耐以前！！
我都話，因為下下買新番的話所需費用真係好甘下，唔係便宜嫁，終有一日會支持唔到！！

canon3000

fokdaniel 发表于 2018-7-7 23:42
光美Happiness Charge TVB依家都未播!!!

係啦, 其實我由SPLASH開始看的(2代), 個時係打鬥場面吸引左我

canon3000

iloveyusa 发表于 2018-7-8 01:40
第一套？？唔通係總集篇個套？？我都無咩留意再所以唔知佢有無播過，不過如果係總集篇個個播唔播都無咩所 ...

上次我睇個套好似係WIN左全國大賽之後? 應該時間係第二季之後(好似係, 我都唔係好知)

fokdaniel

canon3000 发表于 2018-7-8 02:43
係啦, 其實我由SPLASH開始看的(2代), 個時係打鬥場面吸引左我

我由無印(第一代)開始睇,依家係佢既粉絲!!!

飞天可乐人

有巨人3播就唔错，其他唔要求噉高！

iloveyusa

canon3000 发表于 2018-7-8 02:45
上次我睇個套好似係WIN左全國大賽之後? 應該時間係第二季之後(好似係, 我都唔係好知)

下？？唔係掛？！第二季都未播咁快就播左全國大賽之後個劇場版？！咁仲駛咩播第二季呀？！
恩，無所謂，我會自己得閒睇下留意下，唔該你先至係！！唔該！！