2018年夏日【J2動漫. 熱】強勢列陣！

iloveyusa

canon3000 发表于 2018-7-12 02:16
當然播得既都唔會太過份的, 上次播個套冰上留星應該都BB地L啦掛, 不過跳舞個度又唔錯

BTW 邊套是YOI?
...

我的天啊！！YOI咪就係J2你講個套冰上溜星law！！人地個全名係"yuri on ice"，簡稱就係YOI，中文的話人地都係一致譯做"冰上的尤里"的，你唔信可以上網搜下，係香港先咁無厘頭譯個咁ge名，個陣我就已經吐糟過，我d朋友都同意，大家睇到香港譯個名時都唔知係咩來，就係睇到冰上兩隻字先知係"yuri on ice"！！
所以我就已經話當我知道J2肯播呢套個陣就已經嚇親因為呢套野尺度幾大下，就好似你話咁屬於BL，所以我一直唔覺香港會播，點知佢就肯播！！所以我先話係破天荒！！
無計啦呢套野播出個陣人氣超恐怖，基本係每播一集後全世界就會不停洗板，人氣之高嚇死人！！仲有呢套野有兩個版本可以話，一個係日版同一個歐版，無記錯J2買個個係歐版，兩個版本都有少許唔同但大部份一樣，所以好值得睇！！加上呢套野歌好好聽，係全部都，你睇一次佢個演奏會就知好贊！！我睇左兩次都覺唔夠！！最大原因當然係因為內容啦！！
如果你話跳舞的話係最後個集個雙人滑？？呢個係全套野重中之重，仲記得播個陣全世界都為之瘋狂！！官方仲好有心為左呢部份特登推出左BD無文字版，B站應該有你可以睇睇！！
舞蹈方面之所以會咁靚就係因為每套舞都係由真人去跳然後錄底佢再畫出來，所以好仔細同好靚！！

呢套野宜家仲會推劇場版，剛剛發布左消息係下年應該無記錯的話，唔知J2會唔會買！！
呢套野係真係好好睇，絕對推薦你去睇！！可以的話建議你聽返日文原配，因為就係原配先殺死人！！
最後呢套野人氣之高你可以睇下，呢套野播出之後足足一年至兩年內ge獎都係俾呢套野橫掃晒，連最佳聲優獎都係俾呢套野拎晒主演同助演，強勁程度嚇人！！

我最後只能講呢套可能係唯一一套香港願買ge屬於BL系列作品，我唔太相信香港會肯買其他！！如果香港人連《八犬傳》呢套野個程度都接受唔到的話咁就肯定唔駛指意佢會買同播！！
我比較想J2播"晨曦公主"呢套野，少女番幾好睇！！

canon3000

fokdaniel 发表于 2018-7-12 21:31
希望播完後會播第11輯Happiness Charge!!!

應該會啦, 次次都係重播完先播新既

canon3000

iloveyusa 发表于 2018-7-13 00:57
我的天啊！！YOI咪就係J2你講個套冰上溜星law！！人地個全名係"yuri on ice"，簡稱就係YOI，中文的話人地 ...

哦, 原來是呢套~ 佢都唔係第一次架啦, 上次LOVELIVE叫明星學生妹已經俾人話都咩咁, 不過我又覺得個名幾好笑

canon3000

iloveyusa 发表于 2018-7-13 00:30
唔好意思，一時習慣左因為某d關系

個問題唔係咬字正唔正咁簡單，而係有時配果位真係唔多襯個人 ...

你當特色都OK既, 其實TVB一向都唔會完全配到一樣, 當年爆笑管家就係咁, 好多都係本地人仲要係高登仔先明. 應該ANIMAX配既會比較完版D, 不過就無TVB咁多唔同人配.

iloveyusa

canon3000 发表于 2018-7-13 02:40
哦, 原來是呢套~ 佢都唔係第一次架啦, 上次LOVELIVE叫明星學生妹已經俾人話都咩咁, 不過我又覺得個名幾好 ...

tvb一向都鐘意亂改作品名已經唔奇！！好似《黑子的籃球》就叫《幻影籃球王》，IDOLiSH7呢就叫做咩咩偶像團7。。。既然人地本身已經有個名就唔該唔好亂改啦！！改得仲要唔係好聽先慘！！所以我最初睇到咩冰上溜星仲以為係咩來，點知原來就係YOI，真係想死！！
但有d佢就跟返人地內地或者台灣或者網上個名咁叫，好似飆速，進擊呀果類！！點解個d你又唔亂改？！人地套野個名係英文你一係就跟人用返英文個名，一係就用統稱，千奇唔好亂改個名，簡直笑死人！！
我朋友睇到IDOLiSH7改個咁ge名都話已經笑到甩牙。。。

iloveyusa

canon3000 发表于 2018-7-13 02:43
你當特色都OK既, 其實TVB一向都唔會完全配到一樣, 當年爆笑管家就係咁, 好多都係本地人仲要係高登仔先明. ...

我以前就的確唔慣，不過宜家已經睇化左，聽到咩"死四眼仔"呢類已經無咩特別感覺，反正就好似你話咁香港特色！！
宜家最慘係唔關一唔一樣事，大佬有時真係直頭翻譯翻錯咁人地無講過ge野突然就會出現，搞到好亂！！有時仲要同佢自己個字幕完全對唔上。。。我試過唔記得邊套，之前一直睇日文，然後當我睇粵語版係某段果陣就聽得一頭霧水，因為我記得人地日文講ge都唔係呢個意思又好似無呢句野，結果一轉返聽日文先明白原來粵語版完全好似原創咁自己改左人地d野，嚇到我死！！有時特色還特色，千奇唔好將人地d野改到唔知點咁！！
ANIMAX的話有配音咩？？好似有又好似無。。。我無睇好多年所以唔多清楚！！不過人家ANIMAX都仲好d，買返來ge作品比較多元化而且都跟得幾貼日本個邊，宜家好似仲會播放一d人地日本先有ge特別節目，好過J2啦！！

李奥

期待进击的巨人3

革命軍

李奥 发表于 2018-7-14 00:55
期待进击的巨人3

巨人播得咁快手....反而龍珠無影...

李奥

革命軍 发表于 2018-7-18 22:41
巨人播得咁快手....反而龍珠無影...

集数太长，成本太高.......