大家覺得點先為之「配得好」？

blueeyes

我發現好多人判斷一個角色配得好唔好，只係憑佢覺得個配音員把聲襯唔襯（主要係似唔似日本原聲）…
而一個配音員係唔係勁就在於佢可唔可以變聲…
跟住就話日本個個配音員都可以變聲、香港d人配來配去都係個把聲云云…
　
　
　
但我覺得一個配音員配得好唔好有好多因素～
好多配音員雖然變唔到聲但佢聲調同語氣一變，俾人既感覺就好唔同。
呢方面，我覺得陳欣配藏馬真係好經典！
其實佢把聲冇乜得點變，但配藏馬個陣，個種語氣令陣乸味即刻出哂黎～  
如果要識得變聲先係勁既配音員，咁你可以話陳欣係廢到無淪～
配日本原聲係女人既藏馬，自然都係「配得好差」…
再講，按佢地d咩似唔似日本既原則，哆啦A夢，黃昕瑜一開波就完勝保全叔、配得好唔知幾多倍…
　
　
　
通常同人講配音講到呢d位，真係連野都唔想講。
其他同學點睇？你地覺得配音員點先為之「配得好」？

前排抗压

我觉得配的不好只有这几种：口型对不上，棒读，声音完全跟角色不配，感情过于做作和走音

小關係

blueeyes 发表于 2015-6-24 09:37
其實我冇仔細留意日本d配音，唔係好知佢地d變聲要變到點先為之掂。
但我覺得日本配音員咁多， ...

揀新人配其實正路，因為隨時要配幾十年
當初郭立文、梁少霞接手角色嘅時候都係啱入行一兩年咋

Kirito1007

我有時睇TVB動畫動會switch去日語聲道聽返原聲，再比對返粵語配音
其實TVB大多數配音員都配得OK，不過配出來把聲的感情變化都係日語比較好
至於配音員點先為之「配得好」，呢啲就見仁見智啦
我個人就認為配得好，就要把聲配合返角色的性格和在動畫裡的表現
例子: 刀劍神域II 聖母聖詠篇 的有紀(絕劍)，我就絕的日語配得很好，配合到絕劍剛強的性格
不過粵語就差左啲，我就「聽唔出」絕劍的性格啦

以上只是個人意見，唔知大家又怎麼想呢？

Invinsible

基本要求係無違和感

似唔似日本方面其實我無要求太高 不過要配得有自己嘅特點同角色嘅特點

陰陽頓挫方面做得好都可以加分

blueeyes

Kirito1007 发表于 2015-6-23 20:21
我有時睇TVB動畫動會switch去日語聲道聽返原聲，再比對返粵語配音
其實TVB大多數配音員都配得OK，不過配出 ...

我都覺得配音員點演繹係判斷配得好唔好既重要因素～
　
　
　
譬如，張頌欣配「幻影籃球王」相田理子其實配得幾好～
我估風評都唔差，但用一樣既方式黎配「魔奇少年」既雅沐麗霞基本上係錯左…
雅沐麗霞係有自信，但用理子mode黎配俾人感覺好串…
　
以上，純粹個人意見。

blueeyes

前排抗压 发表于 2015-6-23 20:32
我觉得配的不好只有这几种：口型对不上，棒读，声音完全跟角色不配，感情过于做作和走音

我都覺得「感情過於做作」好難忍…但又有人會覺得「咁有感情」先配得好…我都無語了。

blueeyes

Invinsible 发表于 2015-6-23 20:37
基本要求係無違和感

似唔似日本方面其實我無要求太高 不過要配得有自己嘅特點同角色嘅特點

「陰陽頓挫」！Good Point！

Kirito1007

blueeyes 发表于 2015-6-23 20:37
我都覺得配音員點演繹係判斷配得好唔好既重要因素～
　
　

個人也認同幻影籃球王的配音班底真係幾好 (除了桃井)
首先係黑子，曹啟謙把聲同黑子真係好夾，把聲好有天然呆的感覺
跟住就係火神，黃啟昌把聲就可以看得出火神係好有男子氣概，而且好戰 (把聲同日於原生都幾似)
之後奇蹟時代每一個配音員都好有特色 (詳細我就唔多講)
如果J2買入第3季配音，就要看看赤司配音如何啦

江户川

个人认为
首先要食住公仔，口型要对得上
其次，我觉得要感情流露，配得出角色嘅性格同埋感情变化，如果配得出个人特色就更好了
配音员的声线与角色key唔key就要睇导配嘅能力