請問NTSC to PAL速度改變多少

netasa

暗騎：終極黑暗 发表于 2014-7-28 15:55
咁撲街咯，即係ATV配音嘅超人七號係廢嘅

稳高手去整应该唔难做出嚟，不过效果应该打折扣！ 而且如果时间相差太大 请考虑下会不会在片中有删减过的部份？？ 基本我研究过一般加速方案就TVB嚟讲有以下几种，ATV无研究过！

（先要讲明嘅係电视台係有可以控制随时加减速播放嘅机器）
1.  无剪辑过嘅片加减速播放！ （依种可以按百份比嚟相应调回来之后就不用合声了。少好多功夫，不过辨别与定多少百份比不容易要讲经验了。举例蓝龙有唔少集如此。）
2. 有剪辑过嘅片加速播放！（因为某D片镜头无法出街或有些SP播放时间係加长左嘅而剪片，但要去广告时间所以都会加速播放，特别係SP版两集时间有多但又不够三集通常都加速！依种并不麻烦，因为片源都会有过渡转场动画或会有比较丰富嘅OST可以用嚟辅助合声，只要找到剪片嘅位置所在以及理清合适嘅速度处理好接驳位就得。但要注意背景音衔接！）
3. 有剪辑过嘅片减速播放！ （通常比较少减速播放，就算有短片情况出现最简单就係拖长广告时间，电视台都唔知几想！！不过都会有拖片嘅，只因有好多超过左PG指引但又唔可以安排在M时间段播放嘅片，广告时间又唔可以太长嘅时候。道理相同，只要係有经验嘅相对调整番提速百份比就得了。不过前提係要稳啱个剪片位且有可能係多个剪片位！另外仲要注意先剪去广告部份才可以作对比。）
4. 混合式加减速剪片播放！ （依种情况下好难去单靠观看下确定变速嘅百份比例，所以要一段段处理。先要去除无关嘅杂项，例如广告、新闻、特别播报之类。分段搞清楚是否有加速和剪片。另外背景音效有无被加长。）

最后提醒下，版本嘅问题！要搞清电视台播放嘅係咩版本，有D版本係有加SP画面或片段影响最终时间嘅，相反有D係无加不过会减！ 例子就有追逐繁星的孩子就有不同，BD与DVD都有时间上嘅差距！DVD版有画面嘅减少！   

录影版只係记录变速后嘅影像并无记录变速嘅时间点或次数，所以要稳出依D点就要靠经验了。 另外要讲嘅係想要唔拆声 一次性调整声音速率完成校对，在变速片中係极少有嘅。应对变速片嘅最基本方法就係拆声！ 如果一次性拖长或加速配声会影响最后成品音质！而分段调整就无咁容易听得出音质嘅损坏！