不走平凡路——泰國悶熱之旅

geniuz

之前假期（9月28-10月2）去左轉泰國，睇左d幾有特色嘅嘢，。

酒店嘅welcome drink


呢個葉師傅出品，門面有d兜踎，但d嘢非常好食，如果有冷氣就更加好。


試坐曼谷嘅巴士，比較殘舊，冇冷氣唔使講，冇八達通之類個嘢，仲系人手買票，而且個車門長期唔關，開住車都唔關門嘅。


曼谷文化中心，實際系個購物中心。


拉差達夜市，呢個時候天仲未黑，夕陽非常靚。



拉差達夜市將近天黑嘅時候，真系magic hour，當時天色真系咁樣，完全冇P過。靚到窒息！



個夜市真系幾多嘢食，但就真系熱都頂唔順，冇冷氣唔使講，風扇都冇把。




美攻鐵路市場，市場就喺路軌隔離，甚至鋪到出路軌，有火車到就收起d嘢，估計好多人都都睇過網上d視頻。
個市場真系做緊生意嘅，而且仲幾平下。


去到曼谷例牌都要見下四面佛。


我地酒店嘅免費渡輪。free shuttle bus就見得多，free shuttle boat仲系第一次。







　　黎明寺，又叫鄭王廟，系鄭信時期重要嘅廟宇，鄭信系暹羅（泰國）嘅華人皇帝，老竇系潮州人、老母系泰國人。當時大城王朝俾緬甸滅咗，鄭信就喺吞武里（而家曼谷嘅一個區）起義反抗緬甸。剛好乾隆又派傅恒去打緬甸（具體參考《延熹攻略》），變相圍魏救趙，緬甸佬撤出暹羅，鄭信就做咗皇帝，仲年年向清朝朝貢。
　　不過鄭信冇做幾多年就被政變，跟住佢老友卻克里就打返去曼谷平亂，平咗亂就順便踢開鄭信，自己做皇帝，歷史上叫Rama Ⅰ，就系而家嘅曼谷王朝。而家個泰王系Rama X（拉瑪十世）。因為怕俾清朝反對，Rama Ⅰ就自稱系鄭信個仔，話自己叫鄭華，繼續世代向清朝朝貢，直到清朝滅亡。所以而家個泰王仍然有中文名，仍然姓鄭。
　　個鄭王廟話就話系廟，實際就系幾條塔。東南亞或者小乘佛教嘅塔唔叫tower，而系pagoda，譯做中文系“浮屠”，既系“救人一命勝做七級浮屠”個浮屠。個寺遠睇的確幾靚，但遠睇似公主、近睇就似番薯，全部都系抆灰嘅，仲成日抆過界。d裝飾系d貝殼同埋豉油碟，而且仲整得唔對稱。
　　當日撞正某國政要嚟參觀，等佢走咗先入得去。


====================唔太華麗嘅分割線=====================


今次比較短途，一起去嘅都系平日去開旅遊嘅朋友。



酒店望出去嘅夜景，貴d都系抵嘅。本來訂嘅系兩間獨立套房，免費升級成一廳三房嘅包間，仲有廚房、雪櫃、洗衣機。






去做個spa，環境唔錯~








Pak Klong Taladd碼頭旁邊有個鮮花市場，非常local風情，鮮花非常平，泰國基層人民真系揾唔到幾多錢。
唔會有中國遊客嚟，偶爾有一兩個小團嘅鬼佬由本地人帶住嚟體驗下local風情。鬼佬都系中意呢d，唔中意shopping。



鮮花市場附近有個RAMAⅠ（拉瑪一世）嘅銅像，即系上面講鄭王廟嘅時候話，鄭信之後嘅嗰個皇帝。一個好舒服嘅廣場，周圍一個人都冇、一部旅遊巴都冇，都算系曼谷一個另類景點。







講返今次個機票，來回兩程大約1700，講真就唔算平嘅。但因為系泰國航空，假如選擇廉航例如獅航之類，其實幾嚿水都有交易。只不過我地都系寧願坐得舒服d，泰航又有電視（不過電視不時播放我地偉大祖國嘅片）、又提供毯、又提供枕頭咁，我坐一d中東嘅航空公司都未必有，算系咁。
　　我地買機票又買得遲，因為之前系有其他行程嘅，但因為某d原因無法成行。有朋友已經請咗假，所以乾脆就周邊揾個近近地又免簽嘅國家去下，出發前一個禮拜先買機票，所以基本冇discount，加上國內又假期，更加唔會打折。
　　不過返程嘅時候好衰唔衰遇到一個偉大同胞團，尤其照片中呢位女士同先生，貌似講d有四川定唔知邊度口音嘅煲冬瓜，豎腳呢張都未算乜嘢，因為前面嗰個系佢老公。最搞笑系，飛機剛剛起飛嗰陣，呢位女士前面個老公突然除左安全帶，行出去揾佢個親戚定朋友攞唔知乜嘢，空乘人員好嚴厲咁叫“sit down please”，佢貌似又唔識聽英文。咁都算喇，到降落嗰時，隔兩行佢個仔定唔知親戚（睇樣都二、三十歲咖喇，唔可能年少無知）又除左安全帶，行過去揾呢個大媽傾偈，等降落好返飽佢唔得嘅咩！而且唔系傾d乜嘢緊要野，傾埋d唔等使嘅嘢，話剛剛喺屏幕度睇到飛機嘅飛行路線，好似經過海南島，個大媽仲懶醒咁話“我們是經過馬拉西亞再到南海島，然後回來的……因為最接近海南島的國家就是馬拉西亞了……你不學好地理所以你不懂……在泰國和中國中間就是馬拉西亞”——我差d笑出聲，你要九up都唔該查下地圖先。有時真系唔怪得外國人歧視中國人，你喺屋企咁嘅樣就算啦，丟架都丟到外國，我都覺得羞恥。


----------------------------------繼續不太華麗的分割線-----------------------------






　　離曼谷80+km嘅大城府（Ayutthaya）是大城王朝嘅據點，Ayutthaya嘅意思就係“固若金湯嘅城池”，不過好快就俾緬甸做低，打入大城城池，並且燒殺搶掠，好多佛寺都被毀壞。
　　Wat Yai Chai Mongkhon 崖差蒙空寺，又叫做大勝利佛古寺，系大城保存得最完整嘅佛寺。YaiChai系重大勝利嘅意思，Mongkhon表示吉祥，Wat就系寺廟。喺柬埔寨d寺廟都叫Wat，例如AngkorWat（吳哥窟）。
　　大勝利佛寺建於1593年，為咗紀念大城皇朝嘅納黎萱王喺當年戰勝緬甸軍。故事其實都幾搞笑，泰國（當時仲叫暹羅）王子嘅戰象失控，隻身沖入敵陣，佢急中生智，話要同緬甸王單挑隻抽。緬甸王傻更更居然答應咗，結果俾暹羅王子隊um。暹羅王子回營之後打算向部下問責，點解冇人去營救佢。暹羅部下就醒目過緬甸王好多，話今次其實系佛祖對王子嘅試練。王子即刻龍顏大悅，就建咗呢座佛塔同佛寺。



大城最出名系呢個佛頭，位於馬哈泰寺。


帕席桑碧寺（Wat Phra Si Sanphet）






繁華嘅曼谷市中心，居然有個藝術文化中心，店鋪都系免費開放俾人參觀，多數都冇做經營性質嘅。




呢間MBK購物中心，外面跨拉拉，入面吹喇叭，，，從外面睇就好靚，點知裡面面好似深圳羅湖城咁嘅。


市中心S&P暹羅百麗宮店嘅三樓有一間書城。
主要系賣泰文書，但都有好多學英文、學中文嘅書。


最犀利系居然好多中文漫畫，包括《一拳》《路人超能》《阿爾斯蘭戰記》《死亡筆記》《暗殺教室》《火影》等等，都系時下好heat嘅日漫。全部系台灣中文版，不過價錢就比較貴，感覺系喺台灣賣嘅兩倍價錢。



===================我是分割線======================
====================發d食嘢相就收工====================


抵食嘅潮粥粥





拉差達夜市嘅海鮮




Central World嘅Nara




光海鮮



大城府嘅THANAM






MBK嘅和成豐




酒店樓下嘅SAIZEN日本菜



S&P暹羅百麗宮嘅Luk Kai Thong


完結
撒花

wQQ

介绍得很详细，有没有去看泰拳啊

Takasuzu

好旅程

笨小蛋

相片質量好高。影得好靚。發多d照片啦
多謝分享旅程

allpoogi

公車看來很闊落，又不多人，所以開門亦不大問題。

dkmi

見到海鮮都好肥美啊

水木

火車軌開市集...

MisterWu

泰国的风景其实几靓下的

神之影

泰国咁多中文