TXB明珠台电影《伊人当自强》配音表

joe2010

影片名稱：伊人當自強 Erin Brockovich

備註 2000年美國電影

翻譯：盧超祺

明珠臺電影《伊人當自強》（又名「永不妥協」），系一部勵志劇情片，（感谢论坛JVT提供嘅珍藏港版电影海报）

角色名稱：（演員）配音員

伊蓮·布羅克維治：（茱莉亞羅拔絲 飾演）袁淑珍（常配）
女主角，后生时系威奇托選美冠軍，但現落泊成經歷過兩次離婚並湊住三個細路嘅單身失業母親，遭遇一場交通事故後，連志在必得嘅賠償官司都輸埋，幾乎到咗走投無路嘅地步，佢嘅辯護律師艾德半同情半內疚咁收留咗女主喺自己嘅律師行幫手打雜，女主嘅生活總算有咗些少保障，喺調查欣克利鎮一宗房地產申訴案時，女主偶然發現咗對家電力公司排放嘅廢水中含劇毒物質，而電力公司卻對此敷衍了事，女主出于同情和公義，決定要幫受污染毒害嘅數百名居民討回公道，女主歷盡艱辛，以永不妥協嘅勇氣和毅力打贏官司，為全體受害人爭取到合理賠償，自己亦成功翻身，開創新事業

艾德·馬斯里：譚炳文
男主角，米國洛杉磯馬斯里維迪圖律師行老板，喺業界小有名氣，亦系女主交通意外嘅辯護律師，見女主可憐收留其喺律師行打雜，女主因為忙於取證冇及時向男主角交待而被解雇，後嚟男主發現女主系真心為訴訟忙碌，又低頭認錯請女主翻嚟幫手，為一宗牽涉到巨額賠償嘅集體訴訟同女主並肩作戰，最終成功打贏官司，幫數百名委托人爭取到三億三千三百萬美元嘅賠償，電力公司保證將來不再使用有毒物質，並承諾做好補救措施工作，男主角名氣大增，律師行寫字樓細屋換大屋，仲上咗洛杉磯律師雜誌做封面人物

佐治：陳欣
女主角屋企新搬嚟嘅隔離鄰舍，曾從事建築行業，系電單車發燒友，對女主一見鐘情並与其相戀，一直默默咁喺背後支持女主，幫手打理家頭細務兼充當保姆照顧三個細路，雖然經歷咗几番波折，但二人嘅愛情都最終修成正果

文修、文琦、文碧：黃鳳英、沈小蘭、沈小蘭
女主角湊住嘅三個仔女，大仔文修八歲、二女文琦六歲，細女文碧九個月大（影片角色登場時嘅年齡）

白蓮達：蔡惠萍
馬斯里維迪圖律師行辦公室助理，女主嘅女同事，系個大肥婆

羅莎琳：林丹鳳
馬斯里維迪圖律師行辦公室經理兼前臺，算系對女主比較友善嘅女同事

安娜：雷碧娜
女主角喺律師行嘅黑人女同事，帶女主入職同交代上手工作

唐娜·詹遜：盧素娟
女主角調查嘅第一位委托人，加州洛杉磯欣克利小鎮居民，因為被太平洋煤氣電力公司（簡稱PG&E公司）排放嘅廢水污染毒害而罹患癌癥，委托馬斯里維迪圖律師行幫手向電力公司打官司追討賠償

湯姆·羅賓遜、文迪·羅賓遜：陳永信、沈小蘭
羅賓遜夫婦，唐娜嘅舊鄰居，住房已經被電力公司收購咗搬到外地居住，亦系受廢水感染患病嘅受害者之一

史葛：梁偉德
洛杉磯縣水務委員會職員，女主喺委員會檔案室揾到PG&E公司欣克利電厂使用六價鉻嘅證據

弗蘭高：盧國權
加州大學洛杉磯分校化學博士，系有毒物質嘅研究專家，向女主解釋六價鉻對人體嘅種種危害，及根據化驗報告分析鉴定出PG&E公司排放廢水嘅有毒含量比法定標準超出十倍

霍爾：馮錦堂
PG&E公司欣克利分公司業務代表，被派遣前來協商賠償事宜，提出用二十五萬收購唐娜家嘅房產，被拒絕後出言警告同施壓，稱PG&E公司財雄勢大，男女主二人系鬥唔贏嘅

尼遜·佩諾斯：陳永信
PG&E公司職員，負責壓縮機和管理廢水池，向女主提供咗電力公司冷卻塔設備嘅運作概況，電厂喺冷卻塔水裏使用六價鉻用嚟防銹，再將廢水排放到廢水池，但當初為咗節省成本，水池底部冇做足防漏防滲處理，所以十四年來，有害廢水一直往地底滲透，並污染地下水資源，已經對周邊環境及居民構成嚴重危害

山齊士：沈小蘭
PG&E公司被控告以後所請嘅律師代表，向男女主律師行提出以兩千萬作為賠償，想達成庭外和解，女主當場針鋒相對地作出反駁拒絕

卻波特：潘文柏
業界資深律師，以前喺公堂上贏過男主角，男主請佢嚟幫手做賠償訴訟嘅合作夥伴，對處理同類型案例有十分豐富嘅經驗同骄人實績，並願意承擔後期訴訟所需嘅一切費用

桃麗莎：雷碧娜
資深女律師，卻波特嘅女同事，接手女主角手頭上嘅委托人資料，不過由于欠缺親和力及冇真誠溝通而令委托人反感，都系要請女主再度親自出馬，不辭勞苦，探訪每一家受害者，曉之以情動之以理，終於說服全部委托人簽署委托授權同意書

查理士·恩布里：張炳強
PG&E公司退休員工，曾經喺欣克利公司負責銷毀文件工作，將一份可以作為關鍵有力證據嘅公司內部文件交比女主，文件內容系PG&E三藩市總公司對欣克利分公司關於廢水有毒嘅回復及指示，證明PG&E總公司一早清楚分公司電厂廢水有毒嘅情況

其他配音人員：潘文柏、雷碧娜、林元春、張炳強、林國雄、蘇強文…等

joe2010

53057bon 发表于 2024-6-11 19:35
嗯，确定下系边两个

茱莉亚罗拨丝嘅常任粤语配音除咗珍姐（袁淑珍），仲有边个系啊？

阿柏奇

53057bon 发表于 2024-5-19 23:13
多谢坛友，我今日睇咗Stepmom好似唔系，我搵日得闲试试全部明珠台播过但我未睇过既关于茱莉亚萝卜丝D西片 ...

这女演员很多电影都不错。

joe2010

53057bon 发表于 2024-5-13 10:33
坛友，90年代应该系92-95年之间，萝卜丝有一部电影，都系明珠台播过，预告片剧情好似系讲男主角离婚有小 ...

喺网上查咗下，可能系电影《後備媽咪》，论坛好似有分享过呢部戏嘅，不过系英语原声

joe2010

JVT 发表于 2024-5-13 00:47
你不如换哩张上去做poster喇

多谢你提供嘅港版电影海报啊，我之前喺网上耖咗好耐都揾唔到啱用嘅

JVT

53057bon 发表于 2024-5-13 10:33
坛友，90年代应该系92-95年之间，萝卜丝有一部电影，都系明珠台播过，预告片剧情好似系讲男主角离婚有小 ...

系唔系哩套《后备妈咪》？不过系1998年上映而并非92-95年

JVT

你不如换哩张上去做poster喇

神之影

凑仔当自强

joe2010

电影《伊人当自强》系茱莉亚罗拔丝获得奥斯卡影后嘅封神之作，据说电影根据真实事件改编而成，袁淑珍作为茱莉亚罗拔丝嘅常任配音，喺呢部戏配音把声有种朴素嘅亲切感，令人感到嘅热情又有亲和力

snzt

呢部有睇过，珍姐配音嘅大嘴美女印象好深刻

Imonster

冇睇过，男主角系炳炳有啲想睇，甚至有啲幻听好似听到炳炳把声

hirochib

淑女俏佳人第一版都系珍姐配朱莉 不过高清重播洗郑丽丽版本

asd2008asd

配音表好详细