TXB明珠台电影《夺命狂呼》配音表

joe2010

影片名稱：奪命狂呼 Scream

備註 1996年美國電影

明珠臺電影《奪命狂呼》，又名「驚聲尖叫」，系一部驚悚懸疑恐怖片

PS：因為電影配音表系憑記憶寫嘅，可能唔一定十分準確，僅供參考，不便之處，敬請諒解

角色名稱：（演員）配音員

雪妮：（娜維·坎蓓爾 飾演） 沈小蘭
女主角，米國加州某小鎮高中女生，喺電影第一宗鬼面殺手兇案發生後，雪妮亦收到恐怖電話嘅威脅，同時屢次比兇手追殺，但佢依靠機智勇敢同運氣屢次逃離險境，喺經過兇手不斷嘅殺戮之後，雪妮終於明白咗真兇原來系自己嘅男友龍比利同男友嘅死黨史圖，女主悲憤交加之下決然奮起反擊，最終喺女記者韋紀兒嘅幫助下戰勝並擊斃兇手

龍比利：梁偉德
大反派，女主角嘅男友，表面上關心女主角，實際上系鬼面殺手，同幫兇史圖策劃咗呢一系列兇殺遊戲，他告訴雪妮自己殺人嘅動機，系因為雪妮嘅母親同比利嘅父親搞婚外戀拆散咗自己嘅家庭，最後比利喺混亂中被女記者韋紀兒開槍擊倒，再比雪妮補槍擊斃

韋紀兒：（歌翠妮·葛絲 飾演） 盧素娟
女記者，中意四圍揾八卦消息，一心想借炒作新聞成名，她堅持認為女主角指證錯咗人，所以執意要尋找到真兇，佢嘅采訪令女主角雪妮非常厭煩，後來自己亦成為殺手嘅目標，不過紀兒反抗力比較強，並將殺手重創，死裏逃生

杜維：招世亮
有D「乌.Sir.Sir」嘅小鎮警察，兇案發生後，負責保護女主角等高中生嘅人身安全，但系佢嘅調查同保安措施卻冇起到咩效果，殺手依然十分猖狂，最後連杜維自己都成咗殺手落手嘅目標，最後亦大難不死，對女記者韋紀兒有好感

塔瑪：林元春
女主角嘅同學兼閨蜜好友，女主角被殺手襲擊逃脫後，搬咗去佢屋企避險，個性樂觀大膽，熱衷於猜測鬼面殺手嘅真實身份，後來佢去車庫冰箱揾飲料時遭到咗兇手嘅襲擊，喺逃命時不幸被鬼面殺手開啟嘅升降門夾死

馬史圖：陳卓智
反派，塔瑪嘅男友，中意搞惡作劇，同龍比利系死黨，實際佢系鬼面殺手比利嘅幫兇，史圖只系純粹覺得殺人好玩，同比利策劃咗一場場嘅殺人遊戲，並互相掩飾身份，後來佢喺得意忘形嘅時候被女主角用花樽砸死，得到咗應有嘅報應

蘭迪：鄺樹培
女主角嘅同學兼好友，系恐怖片迷，中意鉆研恐怖驚悚電影故事劇情，有時喺錄影店做散工，對女主角有好感

凱絲：（祖芭莉摩亞 飾演） 梁少霞
女主角嘅校友，中意睇恐怖片，本來準備喺父母外出嘅晚上，欣賞幾部恐怖錄像帶，享受被驚嚇嘅感覺，突然間屋內電話鈴聲響起，鬼面殺手來電，並清楚講出凱絲嘅一舉一動，甚至喺佢面前將凱絲嘅男友殺死，凱絲亦難逃厄運，成為電影中第一位遇害嘅女生

yingjie

得个配音表，配音都失传了。

joe2010

yingjie 发表于 2024-2-25 22:03
得个配音表，配音都失传了。

嗯，其实话唔定有录影带嘅粤语资源，不过非常罕见

snzt

都系得个配音名单睇下，我未睇过呢部粤语版

yingjie

snzt 发表于 2024-2-25 22:14
都系得个配音名单睇下，我未睇过呢部粤语版

我以前系电视上睇过明珠版，所以一直记住系有粤语的。

snzt

yingjie 发表于 2024-2-25 23:24
我以前系电视上睇过明珠版，所以一直记住系有粤语的。

之前见你求档个部火山高校，我都系明珠台睇过完全嘅粤语版，系TVB自家配音

leung902

張海報無成為經典象徵既面具?

kingsky80

yingjie 发表于 2024-2-25 23:24
我以前系电视上睇过明珠版，所以一直记住系有粤语的。

前三集，明珠台有粤语配音

我唔食猪肉

第二集个男杀手好似都系大佬智