TVB版西片添·布頓《蝙蝠俠》系列配音表

JVT

影片名稱 蝙蝠俠 Batman
（全系列第一部，全片充斥歌德式風格，屬於典型嘅添·布頓手筆，而積·尼高遜扮演嘅小丑我個人認為係撐起全場嘅經典角色）


類別 電影


首播日期 17/5/1993


重播日期（已知，實際上估計唔少於6次） 11/9/2020、22/2/2021、12/6/2021、1/3/2022


播放頻道 明珠台


備註 1989年美國電影


配音員 角色名稱 演員

張炳強（退行，感覺炳強叔係因為演員本身唔多入戲所以配得一般）——韋布斯（Michael Keaton飾演）
（台詞讀成“魏布魯”，男主角蝙蝠俠，葛咸市以及全美首富，從幼年雙親被劫殺之後就開始過住一種不為人知嘅雙重生活）

招世亮（招sir配得生鬼得嚟又夠晒邪惡）——納積（Jack Nicholson飾演）
（大反派小丑，黑幫份子，中咗自己老大嘅圈套後誤跌入化學原料裡面導致毀容，繼而發誓要對蝙蝠俠同葛咸市展開報復）

盧素娟（已故，娟姐連冇乜發揮嘅花瓶角色都配得好入格）——尹葦琦（Kim Basinger飾演）
（第二部台詞讀成“詠琪”，女主角，著名攝影記者，專誠嚟葛咸市想映蝙蝠俠嘅相，繼而同男主角產生感情）

馮永和（退行，把聲超熟但係少有聽到佢配西片）——諾雅力（Robert Wuhl飾演）
（葛咸《地球報》城市版記者，一直深信蝙蝠俠嘅存在，於是同女主角做拍檔一齊調查）

梁耀昌（退行）——郭（Pat Hingle飾演，演員已故）
（台詞讀成“郭頓”或“郭專員”，葛咸市警務處長，致力於打擊葛咸市嘅犯罪活動）

梅欣（已故，第一次聽到哩位老前輩配西片）——潘亞法（第四部透露角色姓潘，Michael Gough飾演，演員已故）
（蝙蝠俠嘅管家兼幕後技術支援，同男主角名屬主僕但感情勝似父子）

林國雄——譚可輝（Billy Dee Williams飾演）
（照計嚟講應該就係第三部嘅雙面人，葛咸市新任檢察官，宣稱要掃除城內黑惡勢力，但係講就萬能做就無能）

源家祥（已故，感覺毛叔配得未夠老奸巨猾）——古卡（Jack Palance飾演，演員已故）
（葛咸市犯罪集團頭子，小丑原先嘅老大，為咗條女想借刀殺人點知弄巧反拙）

張英才（退行）——艾（William Hootkins飾演，演員已故）
（台詞讀成“艾克”，葛咸市警察副隊長，腐敗份子，收受黑幫提供嘅利益）

姚天麗（已故，哩位前輩把聲有印象但係第一次喺西片度聽到）——埃麗（Jerry Hall飾演）
（台詞讀成“雅麗”，同小丑偷食嘅黑幫大嫂）

源家祥（已故）——龐（Lee Wallace飾演，演員已故）
（葛咸市市長，想搞建城200周年慶典點知畀啲黑幫搞到焦頭爛額）

盧國權——卜（Tracey Walter飾演）
（小丑嘅頭馬，被小丑稱為“心腹”，不過老細講嘅說話嘛……）




影片名稱 蝙蝠俠再戰風雲 Batman Returns
（全系列第二部，雖然依舊好評如潮，但係傳聞貓女同企鵝人嘅形象搞到觀眾情緒不安，可能係後面添·布頓唔再執導嘅誘因）


類別 電影


首播日期 4/9/1994


重播日期（已知，實際上估計唔少於6次） 18/9/2020、23/2/2021、13/6/2021、2/3/2022


播放頻道 明珠台


備註 1992年美國電影


配音員 角色名稱 演員

張炳強（退行，比第一部配得好咗成個level）——韋布斯（Michael Keaton飾演）
（男主角蝙蝠俠，葛咸市以及全美首富，今次要面臨來自企鵝人同貓女嘅雙重挑戰）

黃鳳英（正斗英嘅台詞功底同情緒代入簡直一絕）——祈莎蓮（Michelle Pfeiffer飾演）
（女主角貓女，又蠢又甩漏嘅石氏企業行政助理，衰八卦而招致殺身之禍後又被流浪貓復活，同男主角愛恨交纏）

陳永信（常配，信哥配得入型入格令人不寒而慄）——高奧維（Danny DeVito飾演）
（最大反派企鵝人，控制匪幫紅三角黨，嬰兒時期畀親生父母拋落坑渠遺棄，33年後決定重返地面將葛咸市搞到天翻地覆）

林國雄（雄叔難得配咁重戲份而且仲超食個角色）——石麥斯（Christopher Walken飾演）
（大反派，愛子心切嘅石氏企業老闆，表面係正當商人，背後同企鵝人聯手做埋啲唔見得光嘅勾當）

源家祥（已故，比起梅欣叔嘅聲演感覺更加慈祥）——潘亞法（第四部透露角色姓潘，Michael Gough飾演，演員已故）
（蝙蝠俠嘅管家兼幕後技術支援，本作做埋司機添，同男主角名屬主僕但感情勝似父子）

黃子敬——市長（Michael Murphy飾演）
（葛咸市市長，由於一直反對石氏嘅陰謀計劃而被兩個大反派密謀趕落台）

陳維舜（退行，根據資料哩位配音員做咗冇幾耐就冇做）——石子平（Andrew Bryniarski飾演）
（石氏企業繼承人，同老豆感情非常好）

林元春——冰雪公主（Cristi Conaway飾演）
（台詞讀成“冰公主”，專門負責為葛咸廣場嘅聖誕樹亮燈，點知自古紅顏多薄命）

周鸞（已故，哩位前輩把聲好陌生第一次聽）——郭（Pat Hingle飾演，演員已故）
（台詞讀成“哥頓局長”，葛咸市警務處長，而家好似冇咗蝙蝠俠就做唔到嘢咁款）



P.S.：以上兩部都將Gotham City讀成“高咸市”，而字幕就寫成“葛咸市”。而且哩兩部所用嘅粵語音軌係早期配落嘅，後來冇經過重配，所以能夠聽到好早期嘅配音員聲演，非常珍貴。

snzt

个位第二期训练班的系陈维舜定系陈永舜，我一直都以为叫陈永舜

coolkid

真是好陈旧

chokhea

睇到呢頁大部分配音員唔係退行就過身好有稀虛感

asd2008asd

都系资深配音人

JVT

snzt 发表于 2022-5-29 06:37
个位第二期训练班的系陈维舜定系陈永舜，我一直都以为叫陈永舜

写就写陈维舜啦，具体都唔系好清楚

JVT

chokhea 发表于 2022-5-29 10:41
睇到呢頁大部分配音員唔係退行就過身好有稀虛感

有好几个都系以前睇港产片听到嘅熟人声

神之影

同动画配音一样

JVT

神之影 发表于 2022-5-29 18:01
同动画配音一样

点一样法？

kjtifl

好多都系陌生的名