2016日本樱花游 (10月全部更新完)

joechen

Day 0


出发前係Pizza食餐劲噶


机场高速出口 再次感谢本坛贵宾@墨菲·斯托 揸车送机



上次就係坐国泰 今次就体验下唔同航空公司坐韩亚 4飞3200人仔


不过果晚红色暴雨+行雷 飞机都係空中盘旋左好耐先降落到


差唔多3点钟终于可以上机啦


估唔到飞机上面有"想要大声说出心底话"噶主题曲听


继续静待出发 迷迷糊糊都唔知几点先起飞


一醒发现已经来到东海上空 空姐开始派早餐(误,其实本来应该係宵夜)


由于来到南韩已经9点 MISS左下一班机 南韩地勤派左餐券同埋帮我换左下午机飞 于是係南韩入境食个早餐+饮杯星巴克(唔记得影杯嘢 攞收据代替)

Day 1

人地延误15分钟都贴告示出来 霖起国内唔声唔声就对比出唔同


等出发起飞


原本霖住BOOK水果餐係霖住当早餐食 点知而家变成下午茶先


食完个餐无几耐部飞机就差唔多降落大阪啦


来到关西机场一定要影一影"WELCOME TO KANSAI"个牌


入境完之后个入境官员话欢迎我第四次来日本 送左盒零食比我


继续两年前咁 来车站买飞入京都


一样坐HARUKA 好熟悉噶感觉


差唔多六点半终于到京都站 太阳都开始落山


呢张票纯属意外 我落车果时唔记得左攞张飞 同站长讲 站长就比左我呢张纸出站 换作係国内 我相信一定叫你补最高里程噶飞 日本就係充满人与人之间噶信任


落车之后转巴士入市区


由于京都有friend留学 京都行程就借住係friend屋企 而且又正值樱花季 悭唔少住宿费

joechen

Day 11



今日要睇LIVE转播 干脆训到中午先起身



发觉日本人好写意 一到樱花季好多人都出街去公园野餐



转播飞





J5新闻应该学呢个 各种语言字幕都有



入场特典

eternal

沙發我嘅 我都想去

墨菲·斯托

空白?

joechen

Day 2


Good Morning 经历过前晚广州暴雨 来到日本见到咁好噶天真係心情都舒朗晒


今日係用KANSAI THRU PASS 三日券去姬路 一个来回基本都值回票价


见到日本D铁路交通基本无人 再回想起广州地铁无论几时都有人企 实在want cry no tears


终于到山阳姬路站 出闸之后就见到好清晰噶指示牌


其实1km都唔係好远 基本由我学校宿舍行到教学楼咁远(边间学校就唔透露啦) 姬路城上年整修完而且被列为世界文化遗产 所以都唔少人会过来行下


可惜樱花未开花 搞到正係见到D枝


日本黑科技之一...雪糕自动售卖机


难得入城路上见到棵开得7788噶樱花 停低影张相继续行


城入面都无乜好睇 主要係介绍下D建筑结构(可能係因为我对呢方面无乜兴趣 兜左一圈就落返来) 落来再影张


午餐係姬路城附近食噶 叫"姬路拉面" 其实都无乜特别


呢幅图我相信唔需要解释啦


中国银行 不过唔係Bank of China 而係Chugoku Bank


临近傍晚时分行下附近D公园


见到D细路咁开心 霖返起之前 逢星期六日出去同亲戚D仔女一齐出去玩泥沙 而家D细路都基本唔会咁做


如果你有係日本亚马逊买嘢自然会明..


是日晚餐 盛惠600日元


冲完凉之后就搭巴士去京都站坐夜车去金泽


同第一次一样 都係一模一样噶位置 十分熟悉


如果係坐夜车最好就坐第一排 放脚有多D位 唔使屈住只脚训一晚

joechen

Day 3


一早就到左金泽站 原定0540到达 实际0527


继续上次噶早餐 详情请见@墨菲·斯托 噶贴


食玩早餐天都光晒 正式开始今日行程


上次去兼六园已经好夜 而且又冻 今次就一早去 无乜人 兜个园一圈


有个区域种左唔少桃花


灯笼 兼六园噶特色



金泽城 "进击升龙道" 都有呢个镜头




行落斜坡见到石浦神社 见好似几得意就入去睇下


google地图位置供参考


一路行返去香林坊果边 由于时间尚早 就入去星巴克饮返杯 见到金泽噶特色马克杯都係画住兼六园灯笼


休息左一阵 又继续向近江町市场行过去 路过尾山神社


就又求签 求到中吉 虽然唔知写乜 不过吉点都係好嘢


闲逛下近江町市场


食埋晏 就准备入去汤涌温泉


秀峰阁 俗称"福屋"


关于花开物语噶朝圣日记 将会另外开贴 係度就唔介绍住


晚餐时间 头盘 右边杯果酒几好饮 第一次饮D咁好味噶酒


第二碟


最后其实係打边炉 (P.S: 去果阵其实都几冻 入夜之后要着冲锋衣)

Day 4


一早就送来早餐


临走以前再兜一圈 发现有一首中国诗 用广东话读几押韵 佩服以前D诗人


(花开物语朝圣中................................................................................)


由于时间关系 无食中午饭 于是快D来食D嘢先再闪 我就叫左个扒


实物图觉得一般 不过味道的确係唔错噶


最后坐JR返京都 结束愉快金泽之旅

joechen

Day 5


一早就起身出发去伏见稻荷 (圆上次未可以上山噶心愿)


又来到熟悉噶地方 都唔觉得自己係两年之前先来过


开始上山啦 无太阳点都有D冻


行到一半终于出太阳 一阵暖意传来


行左个半钟终于上到山顶 提醒大家 山无想象中易行 需要有D毅力 怕辛苦就唔好上啦


係山顶同神大人求支签先 内容係大吉 不过签噶内容影到自己 就唔放上来啦


沿另一条路落山 可以返到门口 右边就係我头先上山噶路 真係好佩服日本女仔 咁冻都着裙


之后就返到京都站上拉面小路食拉面 呢个係喷火拉面 个人觉得辣度一般 (如果你身处香港或者广州 有一幸社分店 可以去试 日本师傅正宗整面)


之后就去帮本坛贵宾@墨菲·斯托 买表(日本先有噶型号)


5月1号开始 外国人係日本如果买嘢不含税价格合共5001以上 即可退税 好似yodobashi biccamera呢D用VISA或者银联卡可以再减5%


然后就睇"仆街"



Day 6


今日一早就坐车过来奈良 (一样 弥补之前遗憾 上次来果阵因为落雨无去到东大寺 于是今次补数)


由车站行过去东大寺途中都有唔少樱花已经绽放


D鹿都偷懒 係度晒太阳 然后恰眼训


终于来到..其实都无咩嘢睇 不过如果唔来又无乜嘢搞


睇完 返出去 买左个樱花雪糕来食 有少少甜


行返去车站lu... 如果我地条街好似日本咁靓咁干净就好咯


M记MENU 大家又识唔识睇


街边求其稳档嘢食完饭之后就坐车过来宇治


宇治河两岸慢慢散步超舒服

(然后就係朝圣时候 全部跳过..............................)


朝完圣啦 行过一座寺庙 又係一堆樱花绽放 有几个阿伯攞住装备係度狂影


搭车返京都



睇真人版暗杀教室毕业篇


次次来日本都要搞搞新意思 今晚係网吧度训 睇下登山少女先
日本D网吧有drink bar(任饮) 可以冲凉 同国内比较有好大差别
每个人都有一个小包厢 坐係梳化上边 眼训果时又可以训 我果晚全程无醒过 几舒服下 而且又平


配置就一般 仲要係32位噶系统 不过置在训教姐 无所谓啦


最尾消费2500 相比起酒店平好多 不过隔音比较差 如果容易比其它人影响噶人慎重选择

joechen

Day 7


一早从网吧check-out后就赶赴岚山


一早无人就係正


迟D会POST一个呢度噶video




去完岚山无耐之后就过来京都御苑散步 真係发觉日本边度都充满住神社



都几多日本人係度赏樱 (请注意 由于有皇室住係度 不准使用无人机拍摄)


然后就过来鸭川闲逛


然后就再坐车过来哲学之道



由于来得比较早 所以得好少花开紧 建议4月头过来 应该开到成条街都係


然后就去入D货 准备第二晚离开京都

Day 8

京都最尾一日 而且夜晚仲要坐夜车 所以就一觉训到中午先起身 令自己休息好D

之后就来到高岛屋楼上噶Pokemon Shop来闲逛



商品都几多 见到店入面收银条队都排晒长龙 所以有嘢买就快手啦


当然我都入唔少货


然后顺住条路食个LUNCH就过来八坂神社后面噶円山公园


见到靓女(顺利拎到联络方式,被打)


之后就过来祗园行下夜樱



再夜D来行呢间神社会唔会好恐怖...


之后行返出去大路然后坐巴士返京都站


由于距离坐夜车仲有差唔多两个钟头(凌晨1点先开车) 就又过来网吧上阵网先

joechen

Day 9



夜车一早醒果阵就路过沼津 可惜果时未知係Lovelive Sunshine!圣地 如果唔係落车行下


到三岛就果断食个简易早餐再继续行程


起程~


搭到中途要转车 我唔知 好彩车掌来叫醒我 问我去边 我话下田(当然係用日文) 佢就叫我快D去转车 就来开 然后用对讲机同果个司机讲 叫佢等埋我

跟住就係"夏色奇迹"朝圣


























来到下田周围闲逛都觉得好舒服


住係呢度噶人真係幸福 係呢度听到唔少讲广东话噶


由于就係海边 所以海拔唔高


兜完一圈之后食个M记就准备返东京


人地D车真係阔 再望望我地广深线和谐号


准备去机场接友人


发觉ANA真係最准时 同样3班机都係由广州飞过来 最7係南航


当晚接到通知论文继续修改 于是挑灯夜战

joechen

Day 10
日头时间去左好想大声说出心底的话圣地巡礼

详见https://www.dranime.net/thread-37831-1-1.html

夜晚..




同某位广州友人约好左一齐上东京塔



坐lift上去收钱 如果係步行行楼梯就唔使钱 内田彩曾经拍过一次节目就係行上去






上来影下夜景 空气清新 无云 影得好舒服


上来东京塔最大一个睇头都係呢条类似五角星走向噶道路


穷..晚饭就係松屋搞掂