第三次日本行 The third time to Japan (更新完)

joechen

Day 1


首先当然要感谢本人旅游期间帮手代压片噶@漫步 同@batcat




感谢本坛贵宾 @墨菲·斯托  亲自揸车送机







本来期待住一个开心噶旅程 点知空中管制越来越耐

原本打算2320落地香港 接驳0100飞东京噶航班 不过我係0035前后先落地香港..



最尾一落机已经有国泰地勤人员係门口等住 话行李唔够时间接驳 只能够第二日朝早飞
同我一班机噶大概有四成人都无法接驳航班 有一班人一齐去美国 都要第二日朝早先飞日本 日本再转机飞三藩市

不过好彩国泰都算服务好 帮我改签第二日最早噶航班+补偿一晚酒店住宿同机场来回酒店的士费



不过由于我唔係香港居民 排左一个钟队先入到境 再搭一个钟的士去九龙 第二日朝早6点就Morning Call话起身准备返机场

香港都几多人中意晨运 一早就见到阿公阿婆係江边跑步




终于都出发离开香港啦 果日天晴 坐窗口位可以将港岛区一望无余


由于头一晚训左三个钟左右 所以一上机就训教 然后食饭 食完又继续训..


终于都听到机长用英文讲准备降落 日本噶城市规划就係好 周围都係绿化 就算係东京 绿化公园都唔少



果晚约左朋友去锦糸町附近行下 于是唔坐JR JR要差唔多个半钟先入到市区 而坐Skyliner可以40分钟入到市区



大家都知道日本D嘢有D重口味 于是食下泰国嘢习惯下先 日本D商场多数都係外国人 好少见本国人行 唔知点解



食完嘢当然梗係睇Lovelive! 剧场版啦 果阵香港仲未上映 剧场版都几好睇 而且歌又好听 出BD我一定买

而且第一次睇就抽到我本命真姬 劲好运

墨菲·斯托

有排都未出得发，want cry no tears

joechen

Day 9

今日从旭川返札幌再搭飞机返东京



大通公园



大通公园纪念印 係游客观光中心可以免费盖



时钟楼



临走之前去一去狸小路行下先



今次北海道旅行真係去到边度都遇到祭典



LUNCH都係上去JR站楼上札幌拉面共和国医饱个肚先



油脂有少少多 不过味道都係唔错





返机场拎登机证返东京 (注意:外国人唔可以使用自助check-in 必须前往人工柜位亲自办理手续 以检查是否过期逗留)









我都好佩服日本人处理飞机能力 部飞机4点先到 4点15分开始比你登机 同埋推出之后直接去到跑道直接起飞 唔使中国咁开下又停下



真係佩服日本噶空气质量 咁高都可以望到地面



空中管制真係劲 同时处理两部飞机降落 至少广州同香港都未可以达到呢种水平 唔怪得人哋根本唔DELAY



安全到埗



去攞寄舱行李



真係佩服日本人 个地勤check-in果时问我入面有咩 我就话有D嘢食  估唔到咁帮我挂左个Fragile牌 然后叫行李处理噶人轻攞轻放



千辛万苦终于来到酒店



都好夜啦 估计无咩食 都係食M算



Day 10



一觉训醒 天气一般 好过落雨 都係出街行下



我咁岩霖住出门口果时有人按门铃 係酒店职员 佢话我噶快递到左 帮我签收左仲送到我门口(係国内我估你唔主动去问佢都唔会同你讲)


今日上Skytree 好似好多人咁 我影呢张相噶时间係11点 整理券已经发到12点半 不过...


其实外国人係可以合法打尖噶 个柜位唔係好明显 大家要比D时间稳下


买飞期间都无要求出示护照 不过其实凭大家噶英文已经可以判断出係唔係日本人


排队等搭lift上去350m


350m就无乜好睇 直接上450m好过


今日比较大雾 睇唔到富士山有少少可惜



行到上来望落去 觉得下面所有嘢就好似玩具咁




远噶地方就有雾睇唔係好清


来到最高点 450m


落去果阵仲有地方比你试胆 (应该够实净噶..)

Day 11

K-ON 朝圣(稍后另外开贴)

Day 12

一周的朋友 朝圣 (稍后另外开贴)

Day 13

未闻花名 朝圣 (稍后另外开贴)

mhina7992

土豪暗部又出現了

joechen

Day 2




第二日一早就坐俗称子弹头噶火车--新干线去岩手县

岩手县都係一个当年东北大地震噶灾区之一 P.S: 福岛距离岩手同东京其实差唔多距离 唔存在辐射问题

首先坐到八户 然后转慢线入久慈 一开始睇个时间表觉得两个钟先一班车 有无搞错 其实去到就知 一个四人位係我坐晒

当地人根本就好少





之后就放几张窗外风景啦









千辛万苦终于到啦 然后就係查时间表 因为过两日走 唔想错过开车时间



日本周围都有得吸印 所以去日本带定本簿仔去绝对无错



去到第一件事当然要稳酒店check in



第二日时间基本就用係交通度 然后周围行下 海女祭係每年8月第一个星期日 我星期六到 第二日时间就唔使咁赶





行到差唔多随便稳间餐厅入去



由于菜单全部都係日文 唔识睇 就随便Order左一个 唔记得影相 不过都係伏 叫左个kimchi sandwhich

间铺都应该几多明星来过



由于係郊区 好多铺都係下午5点或者6点就收铺 夜晚就好似鬼城一样 下面呢张相係夜晚7点影噶





来到日本 每晚一晚纯牛奶係必不可少

睇左一阵电视 发觉有地震情报 我住7楼其实震度3都唔觉得点震

joechen

Day 3

今日係去一年一度噶北限海女Festival 由于平时游客较少 所以平时一日得三班巴士停呢度

于是提早发email去问观光协会祭典当日有无临时巴士服务

得到答复如下:



当日巴士都几密下 平均30-40分钟一班

去到岩岩好致辞紧 原来日本都搞呢D无乜实际性作用噶嘢



都係直接过来呢边霸定一个靓位睇海女捉海胆



企左5分钟左右终于开始落水 听广播果度讲今日海水温度21度



广播介绍话得两个老嘢 其余5个都係女高中生



当日都聚集左唔少日本人来呢度睇 偶然间都可以听到台湾口音同粤语





连南部潜水士都来埋 套装备差唔多20kg重



之后大约10分钟都係捉海胆时间 D海女都几识制造气氛 捉到捉唔到都会斗下其它人笑



睇落去收获好似几丰富咁



最尾上来之后有生食海胆噶活动 一个海胆500日元 我都食左个 可能岩岩捉上来 海水D咸味掩盖左唔少味道



本身想上去防波堤睇下 不过见到呢个指示牌 心霖都係算数



咁岩有只艇仔出海 见我行返转头 个船夫大声用日文讲"今日无咁大浪 可以随便上去 唔紧要"









最尾午餐order左一碗海胆汤(左)同杂锦煮(右)



海胆汤几好饮 不过杂锦煮好难食 如果有兴趣去噶朋友千奇唔好乱咁试 我都係格硬饮完 日本习惯来讲 要饮埋D水先算係食晒 费事造成浪费

joechen

Day 4

终于开始进入重头戏 北海道啦



我去北海道方式就比较非主流 唔係坐飞机 而係坐火车经过津轻海峡由本州(新青森站)到北海道(函馆站)





车来啦



上车之后可以睇到列车经过隧道两端噶时间同埋隧道噶构造



坐左近两个钟车 终于到函馆啦



出站即时见到"函馆欢迎你"

由于去到函馆已经近两点啦 于是求其稳左间拉面铺医下肚先





同样要饮埋汤先算食晒



沿住海边行 意外比我发现竟然有只係加拿大注册噶游艇(上图) 我都几佩服佢 咁远都可以开到过来日本



金森倉庫



沿路一直行去有出名斜坡噶八幡坂通 上到一半噶路牌 继续上



可惜今日天气阴天 拍出来唔多靓 如果唔係见到船 大海 蓝天係非常靓噶一幕



行完八幡坂通先下午四点 上函馆山影夜景又好似太早 于是临时加插左个五陵郭公园 由展望台望落来五角星十分靓 如果各位有机会樱花季果阵去 成片粉红色更加好睇!



由于我去果日有搞祭典 D警察开始出动 封路同埋维持秩序



我住噶酒店 check-in完放低行李再上函馆山



坐登山巴士400 YEN 巴士上面一直有服务员用日语介绍函馆噶历史同埋介绍边个角度影得最好睇 而且仲有当日日落时间 山上温度同埋着乜衫最合适



等太阳落山



终于影到啦 不过可惜雾有D大 如果唔係应该仲靓D

函馆山夜景係世界三大夜景之一  首先唔似东京周围都係"红闪"(提醒飞机建筑物高度噶闪灯) 二来所有灯光噶组成函馆政府都无插过手 係十分自然噶

To be continued....

joechen

Day 5  函馆Hakodate - 洞爷Toya



大家来到函馆 一定要来函馆朝市食返个早餐 函馆朝市D海鲜十分出名 可以考虑买来海味带返屋企



无错 呢堆係鱿鱼 既然来到日本 梗係要乜都试下 所以我跟住..............就係霖住试生食鱿鱼



自己钓上来之后 可以攞比师傅帮手切片 然后舔酱汁慢慢品尝



食完鱿鱼 梗係出发之前食返餐正式早餐医医肚啦 呢个虾丼1000 YEN 劲抵食





返车站 准备出发去洞爷浸温泉







终于到洞爷啦 可惜天色唔係几好 如果唔係影相出来效果都应该几靓





去到首先check in 其实间旅馆都几大 不过就係无wifi 我手提电话可以上到网 有无wifi都无所谓 最紧要有温泉可以浸



天体的秩序朝圣相关POST https://www.dranime.net/thread-29178-1-1.html

朝圣完之后...





湖边散步 咁豪华噶酒店我今次就住唔起 住一晚起码1500人仔(约1800港纸)



夜晚餐旅馆包 竟然係我挚爱烧牛肉 而且分量唔少

食饱嘢梗係出来睇祭典同烧烟花啦















好啦 今次介绍到呢度先

To be continued...........

joechen

Day 6



一早搭JR经过北海道最大城市札幌然后转车去小樽



到小樽啦 乜都唔讲 周围行下先





行到旧小樽河道



发现可以比钱坐船游一圈 于是试下(事实上唔係几值得)





开始开船啦 一开始景色都唔算差 开船师傅会用日文一路介绍沿岸建筑同埋佢地噶历史同作用



向海噶方向出去游一圈..途中见到日本海上保安厅噶船





行到呢度罐厂真係超臭 顶佢唔顺 毒气好浓 真係再一次建议大家唔好坐船



落船之后自己行去海边影一张





小樽噶玻璃係好出名噶 所以行下行下都会见到唔同噶玻璃展馆 如果你有睇岩 都可以买 服务员会好细心咁帮你包好保证佢唔会好易跌烂







再周围行下 行下行下已经接近黄昏啦 于是去到之前提前book好位噶好出名噶寿司店食寿司









可能行左一日噶关系 好肚饿 于是点左好多来食





食完之后就慢慢散步行返车站搭车返札幌住宿

To be continued...

joechen

Day 7

今日同听日係去花田 成个旅程都係为左呢个 其它都係为左铺垫





今朝一早就到旭川站准备搭特别号列车去美瑛站 (原计划係去富良野果边 因天气问题决定同Day 8行程调转 又可以突出自由行好处 行程可以随时调动)



9点55分开车 9点45分吱吱悠悠上月台都唔怕



车厢内部无冷气 一开始以为好热 不过开出去之后发觉劲舒服 因为山风源源不断涌入来 又少左玻璃阻隔窗外景色



每位乘搭特别号噶乘客都可以获赠一张搭乘证明书





美瑛实在太大 唔租部单车踩下实在唔得 ATTENTION: 日本同香港行车方向一样 请勿靠右踩车! 遇到好多国内游客都係习惯踩右边 易酿成交通意外!



亲子之树  到呢度为止都係好噶 到后尾迷失左方向 盲踩 不过都因此见到唔同噶嘢





到后尾跟住大车踩 来到呢度 上面有一个展望台 不过无咩睇 于是继续前进





不过踩到一半发现落大雨  不过日本人都好热情 邀请我入佢地屋企坐直到停雨 不过唔方便影人哋屋企内部 于是影左佢地门口一只狗 唔点吠人



习惯去到边都要拜一拜果度噶神社  于是来到美瑛神社参拜下 跟住开始踩返车站



由于呢度严格来讲都属于日本乡村 无咩人 无咩车 行係街道都劲舒服







返到车站 搭特别号列车返出城











放几张日本乡村风景




Day 8

由于係同琴日噶行程调换 好彩今日有一个好天气都算係无憾



去旅游当然要抓紧时间 亦都係一早就搭JR来到中富良野车站









一样人烟稀少 好中意呢种感觉





一路行到富星山 建议大家呢度按顺序行 如果调转行会发觉后面噶景点无乜意思



来到富星山就向富田农场方向进发





途中来到一间自助售货店 真係睇自觉 入面得一个钱箱 大家自助攞嘢 自助比钱 我买左两条粟米生食 几甜唔错 本簿噶最尾一行就係我写噶







来到富田农场 富田农场最出名係乜?梗係佢D薰衣草啦 所以来到一定要试下薰衣草雪糕 咁岩隔离有个都係讲粤语噶香港人 佢係买哈密瓜味 于是一齐影返张先











真係成个trip就係为左来呢度 原来唔係都唔会考虑来日本 来到之后发觉真係无来错 现实比相中更靓



行完富田农场 就来到临时车站搭车去美马牛



美马牛小学正门 可惜今日上紧堂 唔可以入去参观 如果係星期六日到可以入去参观



来到四季彩之丘









人生第一次见到草泥马(呀唔係!係羊驼先岩)











呢度就唔係十分推荐 虽然都唔错 但係实在太多人 你会发觉其实自己好似去左国内旅游 周围都係讲国语 不过好似我时间多噶都可以来行下



美马牛小学背面





返到美马牛车站搭JR返旭川







由于返到旭川比较早 于是入D货先 顺便申请免税手续



第一次係日本寄快递 由于我行李geep实在放唔落 寄左一部分嘢去我东京住噶酒店 费事拎咁重嘢

漫步

沙发都唔留...