TXB动画《机动武神传》配音表

joe2010

影片名稱：機動武神傳（機動武鬥傳G高達）

備註 1994年日本電視動畫

本故事純屬虛構，如有雷同實屬巧合

角色名稱：配音員（無線TXB版）

杜門·卡遜：馮錦堂
男主角，宇宙殖民星格鬥冠軍，新日本代表，撲克同盟紅心King嘅繼承人，為咗釋放因觸犯叛國罪而被處無期冷凍刑嘅父親雷藏·卡遜博士，以及尋找奪取魔鬼高達後流亡在地球嘅兄長駒治·卡遜，杜門唯有參加第13屆機動武鬥大會，駕駛座機系閃光高達同G高達，絕技包括有閃光掌、爆熱神掌、石破天驚拳…等

莉英·米加姆拉：黃麗芳
女主角，杜門·卡遜青梅竹馬嘅女友兼助手，精通機械電子工程技術，大學修讀醫科專業，性格溫柔而堅定，擔任杜門嘅高達技術員兼醫生，無時無刻都喺度支持幫助杜門，系杜門嘅最佳拍檔，曾駕駛閃光高達同希望高達

卓波廸·古洛特：黎偉明
新美國代表，街頭流浪打仔出身，精通拳擊同射擊，系拳賽擁有100連勝記錄嘅冠軍拳手，撲克同盟葵扇Q嘅繼承人，目標系為咗實現夢想，令新美國成為全宇宙嘅頂點而參加機動武鬥大會，駕駛座機系美國之星高達，絕技包括有旋風拳、豪熱機關槍重拳…等

莎莉、查麗多、賈絲、芭妮：林元春、沈小蘭、雷碧娜、袁淑珍
卓波廸嘅四位美女助手，莎莉系領隊，四人主要負責美國之星高達及駕駛員嘅機械整備，緊急醫療及通訊傳遞等工作

蔡采獅：林丹鳳
新天朝代表，少林俗家弟子，其祖父蔡飛龍曾獲得第4屆機動武鬥大會冠軍，蔡采獅擅長棍術同拳法，但為人調皮，中意搞惡作劇，討厭修行，撲克同盟梅花A嘅繼承人，為咗復興少林寺而參加機動武鬥大會，駕駛座機系神龍高達，絕技包括有神龍之旗、神龍鋼爪、神龍火焰、真流星蝴蝶劍…等

慧雲、瑞山：陳永信、林國雄
少林寺高僧，系蔡采獅嘅兩位師父兼監護人，擅長武術，擔當神龍高達嘅機械技術員兼通信員

佐治·戴·山度：李錦綸
新法國代表，名門望族山度家後裔，崇尚禮儀法度及騎士精神，精通西洋劍術，撲克同盟街磚J嘅繼承人，為新法國同山度家嘅名譽而戰，駕駛座機系玫瑰高達，絕技包括有玫瑰攻擊、玫瑰荊棘陣、玫瑰旋風…等

瑪莉亞·露絲：鄭麗麗
新法國元首嘅千金，與佐治·戴·山度有感情線

亞魯高·加勞斯基：盧國權
新俄羅斯代表，原本是宇宙海盜嘅首領，新俄羅斯政府將佢嘅同伴監禁作為人質；為了換取同伴嘅自由，不得不參加機動武鬥大會，撲克同盟Black Joker嘅繼承人，駕駛座機系金剛石高達，絕技包括有重力流星錘、大地爆裂破…等

娜塔莎：黃鳳英
新俄羅斯監獄典獄長，長頭發戴眼鏡嘅美女，性格冷酷堅韌，統領團隊指揮，作為亞魯高嘅監督員伴隨左右，系其強力可靠嘅後援助力

史巴魯·保魯特：陳欣
新德國代表，精通日耳曼流忍術及劍術，實力非凡，駕駛座機系鏡高達，曾指點杜門領悟「明鏡止水」嘅武學境界，真實身份系杜門兄長駒治·卡遜利用DG細胞將自己意識融入瀕死嘅保魯特體內製造嘅生化復製人，武鬥大會中多次幫助杜門，最終沖入魔鬼高達駕駛艙內，讓杜門將自己與魔鬼高達一同消滅

駒治·卡遜：黎偉明
杜門·卡遜嘅兄長，原本開發終極高達系為咗改變地球日益惡化嘅自然環境，但高達墜落地球時因產生嘅沖擊令程式發生異變成為魔鬼高達，駒治則成為魔鬼高達嘅生命體單元，最後駒治同保魯特自願一齊被杜門用石破天驚拳擊中與魔鬼高達同歸於盡

雷藏·卡遜博士：盧國權
杜門·卡遜同駒治·卡遜嘅父親，與駒治一同開發咗魔鬼高達嘅原型——終極高達，致力於將終極高達嘅DG細胞「自我再生」、「自我復製」、「自我進化」三大理論運用於和平

美琪·卡遜：陸惠玲
雷藏·卡遜博士嘅妻子，杜門同駒治嘅母親，為咗保護駒治而被石川少校手下開槍擊中不幸身亡

阿莉比·皮亞士莉：雷碧娜
新瑞典代表，活潑可愛、堅強勇敢嘅女戰士，精通格鬥技，與杜門十分投緣，二人亦成為好友，駕駛座機系貴族高達

奇拉魯：梁耀昌
新尼泊爾代表，雙目失明嘅僧侶戰士，精通杖法及暗殺劍法，曾參加第11屆機動武鬥大會決賽惜敗，從此鉆研暗殺技，專門喺賽前通過暗殺對手高達駕駛員而不戰而勝，在機動武鬥大會與杜門戰鬥後終於醒悟自己嘅過錯，踏上救贖靈魂之路，駕駛座機系曼陀羅高達，絕技包括有曼陀羅圓陣…等

漢斯：李錦綸
新丹麥代表，駕駛座機系美人魚高達，擅長水中作戰，喺機動武鬥大會與新天朝代表蔡采獅駕駛嘅神龍高達打出精彩一戰

翠絲露：沈小蘭
新丹麥代表漢斯嘅妹妹，與蔡采獅年齡相仿，二人喺機動武鬥大會邂逅相識成為好友

東方不敗：招世亮
新HK代表，杜門嘅恩師，上屆（第12屆）機動武鬥大會冠軍，武功實力深不可測，撲克同盟前代紅心King標誌擁有者，人稱亞洲盟主，當年獲得冠軍後東方不敗意識到武鬥大會以及人類對於地球帶來嘅肆意破壞，令其產生必須消滅人類才能凈化地球恢復其自然環境嘅想法，喺武鬥大會決賽最終被杜門擊敗，臨終前領悟人類其實系自然嘅一部分，兩者應該和諧共處，駕駛座機系九龍高達同盟主高達，絕技包括有黑暗掌、超級霸王電影彈、十二方王牌大車輪、歸山笑紅塵、石破天驚拳…等

Black Joker、葵扇Q、梅花A、街磚J：陸惠玲、？？？、？？？、蘇強文
前代撲克同盟成員，該同盟系以引導世界和平為目標並必要時用武力介入其中嘅神秘組織，成員共有五位，每位成員都有屬於自己嘅撲克同盟標誌，為咗救被DG細胞侵蝕嘅四位高達戰士（亞魯高、卓波廸、蔡采獅、佐治），犧牲自己生命幫助其凈化並將各自嘅撲克同盟標誌力量傳俾佢地作為新一代同盟繼承人

黃潤發：林保全
新HK首相，第13屆機動武鬥大會主辦人，表面上道貌岸然，實質包藏禍心，企圖用不擇手段讓新HK再次取得武鬥武鬥大會優勝而統治世界，更暗地借助魔鬼高達嘅力量改造出黑暗四大天王（天劍絕刀、獅王爭霸、笑傲江湖、盟主高達）

米基洛·查理奧特：林國雄
新意大利代表，擅長腿法，駕駛座機系尼羅高達同天劍絕刀高達

卓文：蘇強文
新英國代表，英國紳士，槍械及技擊造詣出神入化，曾連續三屆（第9、第10、第11屆）蟬聯機動武鬥大會冠軍，駕駛座機系約翰牛高達同獅王爭霸高達

米加姆拉博士：陳曙光
莉英嘅父親，卡遜博士嘅好友，系一名高達研究科學家，閃光高達同G高達嘅開發者，表面上性格溫和，內心嫉妒著卡遜博士嘅才華，因此跟石川少校計劃將魔鬼高達奪取，試圖謀殺駒治嘅復製體保魯特時被莉英發現，終於反省自己嘅過錯，作為最後嘅救贖，臨死前救出咗被冰封嘅卡遜博士，但自己被石川少校殺死

卡拉度委員長：張炳強
新日本軍方高層，負責總領本國參加機動武鬥大會一切事宜，有最高決策權

石川潤戶少校：蘇強文
新日本前高達駕駛員，軍方作戰菁英，卡拉度委員長嘅部屬，系高達研究開發局中心人物之一，野心勃勃，暗中跟米加姆拉博士一齊將魔鬼高達作為征服宇宙嘅兵器進行研究

機動武鬥大會現場解說：盧素娟
第13屆機動武鬥大會開幕式及各場比賽嘅解說播報員

旁白：蘇強文

其他配音人員：黃子敬……等

snzt

呢个配音阵容，如果可以睇返呢部大作就好拉

kidmai

依傢呢部在某個地方要禁了www

kadaj

就差呢部了，睇下几时有全集了

dnnmch

黃金配音陣容，好懷念啊！！！！

螺旋

谢谢分享

mj23

好想睇返整套粵語版

samkang

好想看，希望有人分享

steven

谢谢分享, 好想睇返整套粵語版

wQQ

都是王牌配音员做的