TVB西片《狂野時速》第一部配音表
本帖最后由 JVT 于 2023-8-15 23:31 编辑影片名稱 狂野時速 The Fast and the Furious
（全系列第一部，有幾個設定同續集唔多一樣，當年票房大賣所以一直拍到而家）
特別鳴謝：壇友“加旋不好”提供高清大張港版海報
首播日期 24/10/2004
重播日期 1/9/2006、23/5/2009、13/8/2023
播放頻道 明珠台
備註 2001年美國電影
配音員 角色名稱 演員
蘇強文（常配，阿So出色嘅聲演令本人覺得效果甚至超越原聲）——柯鵬海（Paul Walker飾演，演員已故）
（第一男主角，化名“施鵬海”，為調查連環貨車劫案而做臥底嘅羅省警探，手車幾好又重情重義，結果同第二男主角做埋老死仲溝埋佢個妹）
P.S.：至少由第四部開始（第二部未見明珠台資源唔敢下結論）TVB將角色名改譯成“歐拜仁”，延續至今。
陳欣（勉強算早期常配，大Ken嘅演繹比Gordon同阿柏比會更加貼近第一部嘅雲·迪素）——唐冬（Vin Diesel飾演）
（第二男主角，羅省飛車黨領軍人物，表面上屋企係開車房同快餐店，實際同女朋友以及成班手足做啲唔見得光嘅嘢，同第一男主角意外投緣）
P.S.：第三部由Gordon（蕭徽勇）接手，第四部開始由阿柏（潘文柏）接手成為系列常配。
鄭麗麗（比起阿清後來更加成熟嘅演繹麗麗會更突出角色後生細女嗰陣天真嘅特質）——唐薇（Jordana Brewster飾演）
（第一女主角，第二男主角個妹，經營快餐店同埋會去車房幫手，美麗動人，同第一男主角兩情相悅）
P.S.：第四至第七部阿清（曾秀清）接手成為系列常配。
陸惠玲（碌lane的確唔多適合哩個角色所以後來換阿貞嚟配好正常）——萊萊（Michelle Rodriguez飾演）
（第二女主角，第二男主角同第一女主角嘅街坊，鍾意第二男主角兼且係脾氣暴躁嘅大醋埕，手車同個人都好辣）
P.S.：第四部開始由阿貞（謝潔貞）接手成為系列常配，角色喺第五部作為片尾彩蛋出現不過冇出聲。
潘文柏——威（Matt Schulze飾演）
（第二男主角嘅大隻鬍鬚佬手足，由小學三年班就已經相識，一味死追第一女主角不過始終食檸檬，同作為情敵嘅第一男主角係死對頭）
P.S.：第五部由劉昭文接手並將角色名改譯成“雲斯”，該角色於同一部劇情內死亡。
梁偉德——傑（Chad Lindberg飾演）
（第二男主角患有注意力缺失症嘅手足，數學同電腦技術勁叻，負責研究啲車同做改裝設計，片尾畀大反派兩表兄弟用消聲衝鋒槍掃射身亡）
陳卓智——陳沖（尹成植飾演）
（大反派，亞裔黑幫分子，同第二男主角係生意拍檔不過有好多牙齒印，因為被逮捕而懷疑自己畀第二男主角出賣，導致雙方決裂以命相搏）
梁志達——昂（Johnny Strong飾演）
（第二男主角另一個鬍鬚佬手足，飛車嗰陣一般都係做睇水之類嘅輔助工作，影片後段將炒車嘅第二女主角救咗出嚟）
P.S.：該角色貌似一直都未有喺續集露過面，下落不明。
招世亮——鄧納（Ted Levine飾演）
（羅省警局警長，同FBI合作偵緝連環貨車劫案並且派第一男主角去做臥底，一直提醒第一男主角唔好畀感情所蒙蔽）
陳卓智——蝦（Noel Gugliemi飾演）
（光頭留鬚嘅羅省街頭飛車莊家，由於去第一男主角臥底嘅店鋪買作案車輛同款嘅本田思域汽車零件而一度被懷疑係劫匪匪首）
P.S.：第七部由張錦江接手。
盧國權（退行）——白勤（Thom Barry飾演）
（FBI黑人探員，負責同羅省警方合作偵緝連環貨車，一味催促第一男主角盡快破案，心急捉咗大反派發現捉錯人又即刻卸膊）
李錦綸——朗（Reggie Lee飾演）
（大反派表弟兼手下，同老表一樣慣用消聲衝鋒槍，片尾飛車追逐戰期間畀突然揸車出現嘅第二男主角撞到飛落山坡）
黃子敬——哈利（Vyto Ruginis飾演）
（第一男主角臥底店鋪嘅老闆，睇落係做正行賣汽車零件，實質上接賊贓，畀警方捉住痛腳而被迫合作協助臥底破案）
關於第一部同續集嘅些許區別：
有人曾經講過前三部先係真正嘅《狂野時速》風味，後面越拍越誇張。喺哩度姑且唔討論哩樣嘢，不過第一部嘅某些設定的確同續集非常之唔一樣。
1.第一部雲·狄素會喺有女朋友嘅情況下撩其他女人（後面好似癡心漢子咁專一對其他女人望都唔會望多兩眼）；
2.第一部雲·狄素更似一個車手而唔係車神（續集個款有啲扮嘢甚至有啲太chok）：面對驚險場面識得驚或者畀其他反應，揸車都會因為唔夠留神而炒車；
3.第一部保羅·獲加只係警察身份，第二部結尾同兄弟話開車行，結果第四部就變成復職（注意係復職而唔係新招）嘅FBI探員而唔係警察；
4.雖然喺第一部已經有飯前禱告嘅戲碼，不過就尚未明確提出手足（team）等同家人（family）哩個設定。
allenyu 发表于 2023-8-15 21:47
我覺得呢個系列點誇都好,第7集已是完結
都有一种讲法，话冇咗保罗·获加嘅《狂野时速》就已经唔系《狂野时速》 我覺得呢個系列點誇都好,第7集已是完結 已经拍到第十部了 ##128517;查实点解到第四部果阵除咗阿苏之外其他角色全部换嗮。 我唔食猪肉 发表于 2023-8-15 22:12
查实点解到第四部果阵除咗阿苏之外其他角色全部换嗮。
我净系知14-15年嗰排开始，基本上有型中佬唔系阿柏就系阿轩配，从06年之后开始阿清配靓女概率变得好高
至于碌lane，配御姐真系唔够阿贞嚟
加旋不好 发表于 2023-8-15 22:45
多谢提供高清大张港版海报，鸣谢借用 真系睇过第一部先知道由陈欣配唐冬 snzt 发表于 2023-8-15 22:59
真系睇过第一部先知道由陈欣配唐冬
早前流传嘅残缺配音表都写住系佢配唐冬，而且响《3X反恐暴族》祈先达都系佢配