TVB西片《捉鬼敢死隊》系列前兩部舊配音表
本帖最后由 JVT 于 2023-7-12 05:26 编辑影片名稱 捉鬼敢死隊 Ghostbusters
（全系列第一部，由片中兩大主演創作劇本嘅上世紀80年代超自然喜劇，上畫之後口碑票房雙雙豐收，仲喺卡通界引發一陣捉鬼敢死隊嘅熱潮）
首播日期 23/9/1988
重播日期 21/7/1989、7/5/1990、18/11/1992、26/7/1993、20/5/1994、5/3/1995、31/10/1996
播放頻道 明珠台
備註 1984年美國電影
配音員 角色名稱 演員
李智良（退行，第一次確定聽到良哥配正常角色嘅聲）——方彼得（Bill Murray飾演）
（第一男主角，靈學同心理學博士，風流麻甩，本來對兩位同事研究幽靈之事不屑一顧，後面由於被踢出大學兼發現有利可圖而創立捉鬼敢死隊）
翟耀輝（本系列該角色常配，阿翟配出個角色有少少蠢蠢地嘅特點）——鄧雷（Dan Aykroyd飾演）
（台詞讀成“鄧雷蒙”，第二男主角，似足真人小熊維尼，沉醉於搵幽靈存在嘅證據，影片前段畀第一男主角氹去抵押咗間屋嚟搞捉鬼敢死隊）
P.S.：阿翟（翟耀輝）30年後喺系列第三部《捉鬼敢死隊：魅來世界》再度聲演該角色，角色名被重新翻譯為施雷蒙。
郭立文（感覺把聲唔係好食個角色）——史義根（Harold Ramis飾演，演員已故）
（第三男主角，最具有專業研究精神嘅四眼博士，同其他兩位一齊被踢出大學嘅老友夾份經營捉鬼敢死隊，同公司秘書有唔尋常嘅關係）
黃麗芳（聽到角色被上身嗰part就知點解會安排麗芳姐嚟配）——白丹娜（Sigourney Weaver飾演，上身狀態Ivan Reitman聲演，配音員已故）
（女主角，某樂團嘅大提琴手，喺屋企廚房畀惡魔嚇到走嚟捉鬼公司求助而成為第一男主角嘅追求對象，影片中段畀守門使者上身）
馮錦堂（本系列該角色常配）——杜路易（Rick Moranis飾演，上身狀態Ivan Reitman聲演，配音員已故）
（女主角嘅同層住客兼愛慕者，四眼會計師，樣樣嘢精打細算不過就傻到成日將自己鎖喺屋門外面，影片中段畀管匙使者上身）
盧素娟（已故，娟姐為咗模仿角色嘅腔調摙住把聲嚟配）——馬珍妮（全片冇提過角色姓氏但係可以參考續集，Annie Potts飾演）
（捉鬼敢死隊女秘書，除咗對住第三男主角嗰陣其他時候副表情好似生無可戀咁款）
梁耀昌（退行，本系列該角色常配）——席榮頓（Ernie Hudson飾演）
（捉鬼敢死隊新成員，影片中前段嚟應聘嘅黑人，片尾同三位男主角一齊上樓並肩迎戰惡魔）
鄧榮銾（退行）——庇華特（William Atherton飾演）
（反派，紐約市環境保護局第三分區人員，唔知發乜神經嚟踩場話捉鬼敢死隊違反衛生條例，影片中後段夾硬嗌人刪咗保護罩導致紐約市大亂）
馮永和（退行）——高沙（Slavitza Jovan飾演，Paddi Edwards聲演，配音員已故）
（大反派，古代閃族要人，化身惡魔並且聯同守門使者以及管匙使者試圖毀滅世界）
盧國權——蘭尼（David Margulies飾演，演員已故）
（紐約市長，畀紐約市鬼怪橫行嘅狀況搞到一頭煙，於是授權捉鬼敢死隊解決問題）
盧國權——酒店經理（Michael Ensign飾演）
（喺紐約市一間叫Sedgewick嘅酒店做嘢，請捉鬼敢死隊嚟捉酒店12樓隻為食鬼，令一班主角開齋兼且一舉成名）
林丹鳳——艾莉（Alice Drummond飾演，演員已故）
（有個阿叔話自己係黃大仙嘅紐約市公共圖書館嘅圖書管理員，片頭畀鬼嚇到走夾唔唞）
林國雄（退行）——Dean Yeager（全片冇提過角色名，Jordan Charney飾演）
（三位主角原先所在大學嘅主任，認為主角嘅研究純屬呃神騙鬼所以踢晒佢哋出校，間接導致捉鬼敢死隊成立）
影片名稱 捉鬼敢死隊2 Ghostbusters II
（全系列第二部，繼續由片中兩大主演創作劇本，可惜上映效果不如預期，令到續集電影時隔多年之後先再出現）
首播日期 12/3/1995
重播日期 30/5/1997、25/10/2020、14/4/2021、26/11/2021、19/2/2022、21/7/2022
播放頻道 明珠台
備註 1989年美國電影
配音員 角色名稱 演員
林保全（已故，勉強算常配，保全叔演技唔話得但係感覺老咗啲）——方彼得（Bill Murray飾演）
（第一男主角，電視台節目《靈異世界》主持人，雖然同女主角嗌交分咗手，不過仍然舊情難忘，於是藉女主角再度求助之機想翻撻）
陳欣（阿Ken比起阿翟差咗啲角色戇直嘅性格特質）——施雷蒙（Dan Aykroyd飾演）
（台詞讀成“鄧雷蒙”，第二男主角，經營雷氏神怪書店，喺畀法庭判處咗禁制令之後依然拉埋黑人前隊友堅持捉鬼敢死隊嘅傳統）
招世亮（本系列該角色常配，招sir比起二代叮噹更加食哩個角色）——史義根（Harold Ramis飾演，演員已故）
（第三男主角，喺高等理論研究所搞科研嘅四眼博士，接受女主角所託而令捉鬼敢死隊各個成員有機會重聚一堂）
盧素娟（已故，常配，娟姐把聲嘅母性會強烈過麗芳姐所以換人好正常）——白丹娜（Sigourney Weaver飾演）
（女主角，同第一男主角分手後結婚生仔又變咗單親媽咪，喺曼克頓藝術館整修畫作，經歷片頭BB車驚魂事件所以向第三男主角求助）
梁耀昌（退行，本系列該角色常配）——席榮頓（全片冇提過角色姓氏但係可以參考前作，Ernie Hudson飾演）
（捉鬼敢死隊前黑人成員，片頭被逼同第二男主角一齊以捉鬼敢死隊打扮氹細路仔開心，影片中前段因為捉鬼敢死隊重出江湖而歸隊）
馮錦堂（本系列該角色常配）——杜路易（Rick Moranis飾演）
（捉鬼敢死隊新成員，負責財務問題，影片前段因為有喺夜校讀嘅法律學位而幫三位主角辯護，捉鬼敢死隊重新開張之後同秘書有路）
黃鳳英——馬珍妮（Annie Potts飾演）
（台詞讀成“麥珍妮”，捉鬼敢死隊女秘書，整咗個橙紅色冬菇頭髮型，外表斯文內裡open，同四眼仔新成員搞埋一齊）
鄧榮銾（退行）——蒲也郎（Peter MacNicol飾演）
（紐約市曼克頓藝術館整修部主管，迷戀女主角，畀惡魔控制助紂為虐，片尾先回復正常）
盧國權（個人認為權叔應該同錦綸調換角色嚟配）——夏阿積（Kurt Fuller飾演）
（反派，紐約市長助手，一心針對主角一行人，先後指使人charge三位主角同埋將捉鬼敢死隊主要成員捉去精神病院，差啲誤咗大事）
盧國權——維高（Wilhelm von Homburg飾演，Max von Sydow聲演，演員同配音員均已故）
（大反派，古代喀爾巴阡同莫迪維亞嘅統治者，生於1505年，卒於1610年，生性殘暴最終死於非命，打算靠上女主角個仔嘅身嚟復活）
源家祥（已故，勉強算常配）——Stephen Wexler（全片冇提過角色名，Harris Yulin飾演）
（花名叫“鐵槌”嘅法官，認定三位主角係神棍，判佢哋收監嗰陣太激動令精神磁能液漿爆發鬧鬼，為咗驅鬼被逼解除主角嘅禁制令）
蔡惠萍（退行）——檢察官（Janet Margolin飾演，演員已故）
（受紐約市長助手指使負責喺法庭檢控三位主角，畀鬼捉咗出法庭外面仲搞到周身傷）
李錦綸（個人認為應該由第一部嘅權叔繼續配）——蘭尼（David Margulies飾演，演員已故）
（紐約市長，認為捉鬼敢死隊關於紐約市地底有條穊漿河嘅講法不知所謂，結果畀死咗40年嘅前任市長鬼魂騷擾之後決定請佢哋幫手）
P.S.：由於TVB已經有接近30年冇再重播《捉鬼敢死隊》第一部，而且哩幾年次次播親《捉鬼敢死隊2》都冇粵配，因此本人有理由相信《捉鬼敢死隊》前兩部嘅粵配聲軌已經丟失或者損壞，所以哩兩個配音陣容依本人睇法已經可以當成絕唱咁看待。
多謝JVT咁詳盡嘅資料，特別張電影院宣傳報章，其實我想問，如果用AI技術嚟翻生一啲已故嘅配音員把聲，得唔得呢？ Seon 发表于 2023-6-13 23:01
多謝JVT咁詳盡嘅資料，特別張電影院宣傳報章，其實我想問，如果用AI技術嚟翻生一啲已故嘅配音員把聲，得唔 ...
翻生已故配音员把声系咩意思呢？据我所知而家好似系有类似嘅技术，但我个人认为配音嘅神髓唔单止系把声咁简单，仲有配音员本身所投入嘅技巧同感情 感谢分享配音信息 JVT 发表于 2023-6-13 23:03
翻生已故配音员把声系咩意思呢？据我所知而家好似系有类似嘅技术，但我个人认为配音嘅神髓唔单止系把声咁 ...
听讲国语配音已经有ai配了，但效果唔好。 yingjie 发表于 2023-6-13 23:15
听讲国语配音已经有ai配了，但效果唔好。
梗系唔好喇，得把声线有咩用？配到好似读稿咁 哩两出，没TVB配音，已经没所谓了，有 福克斯重新配音版，就OK啦！！
我唯一觉得可惜的是，没 愛登士家庭續集 1993年真人电影第二部的粤语配音 多谢楼主分享资料资源
呢套电影1.2要看粤配重播应该系好难有了 黎小崎 发表于 2023-6-13 23:55
哩两出，没TVB配音，已经没所谓了，有 福克斯重新配音版，就OK啦！！
我唯一觉得可惜的是，没 愛登士家庭續 ...
霍士啲配音应该冇TVB咁好吧？TVB粤配作为流水线产物，水准高到已经令其他媒体难以比肩 配音表最好睇！