TVB西片《安娜與國王》配音表
本帖最后由 JVT 于 2023-6-19 05:33 编辑影片名稱 安娜與國王 Anna and the King
（發哥到目前為止影響力最大嘅荷里活電影，因篡改相當多嘅史實而被泰國列作禁片至今，片尾曲《How Can I Not Love You》堪稱金曲遺珠）
首播日期 4/1/2004
重播日期 15/10/2004、24/2/2006、1/6/2023
播放頻道 明珠台
備註 1999年美國電影
配音員 角色名稱 演員
盧素娟（已故，常配，娟姐把聲將茱迪·科士打嘅角色形象變得更加有氣質同性感）——安娜·李安奧恩斯（Jodie Foster飾演）
（女主角，有一個仔嘅英國寡婦，喪夫後於1862年被聘為暹羅王室家庭教師，同男主角喺衝突、相處同理解當中產生一段冇開始更冇結果嘅愛情）
P.S.：亦為影片劇本所建基之日記作者（1831-1915）。
陳欣（常配，聲線同發哥有較大出入不過演技食到晒）——蒙庫（周潤發飾演）
（台詞讀成“蒙克庫特”，男主角，暹羅國王，致力將國家現代化以免遭受英、法殖民，面對女主角屢次衝擊佢嘅國王權威之際卻悄然愛上對方）
P.S.：被其孫拉瑪六世追封為拉瑪四世（1804-1868）。
曾秀清（阿清將角色嘅柔弱同敏感配得相當到位）——塔恬（白靈飾演）
（暹羅貴族兼富有茶商之女，被獻入宮成為男主角嘅新夫人，影片中後段因為冇從男主角身上獲得足夠關注而偷偷重見舊情人，最終被行刑處決）
P.S.：據聞有歷史原型，不過生平同片中角色經歷大相徑庭。
林丹鳳——路易·李安奧恩斯（Tom Felton飾演）
（女主角同亡夫所生嘅獨仔，問題少年，對外界新鮮事物懷有濃厚興趣，極其崇敬過咗身嘅爸爸並且好早就發現女主角對男主角起咗特別嘅感覺）
P.S.：暹羅騎兵軍官、英國商人（1856-1919）。
袁淑珍——朱拉隆功（Keith Chin飾演）
（暹羅太子，身為國王長子原本性格傲慢而且討厭帝國主義，經女主角教導後不但視野擴闊同埋處事更成熟，而且開始對廢除奴隸制度顯現興趣）
P.S.：被其子拉瑪六世追封為拉瑪五世（1853-1910）。原先手誤寫成係麗芳姐（黃麗芳）聲演，發現謬誤後重新更正為珍姐（袁淑珍）聲演。
盧國權——卡拉洪（Syed Alwi飾演，演員已故）
（暹羅總理，對女主角屢屢挑戰暹羅固有嘅等級制度而感到非常頭痛，影片後段得知將軍叛亂真相之後成功勸女主角留低幫男主角對抗強敵）
P.S.：歷史原型為暹羅南部總理兼軍事大臣（1808-1883）。
陳曙光（退行）——阿勒（金德文飾演）
（大反派，暹羅將軍，崇拜致力擴張建立暹羅帝國嘅前國王達信，偽造緬甸軍襲擊假象而實際係想製造機會推翻卻克里王朝，影片末段兵敗身死）
林保全（已故）——曹發（林繼修飾演）
（男主角王弟，連大反派都認為佢直覺好準，不過始終仲係喺察覺大反派真正陰謀之後逃走失敗而被槍殺）
P.S.：歷史原型為拉瑪四世王弟、暹羅副王（1808-1866）。
沈小蘭——提安（Deanna Yusoff飾演）
（男主角大夫人，性格溫柔得嚟又深明大義，負責管理暹羅後宮事務）
P.S.：歷史原型為拉瑪四世事實上第三任王后（1838-1914）。
鄭麗麗——花英（Melissa Campbell飾演）
（暹羅公主，備受男主角寵愛，同女主角感情深厚仲成日畫畫送畀佢，影片中段身染霍亂不治而早夭）
黃子敬——金凱德（Bill Stewart飾演，演員已故）
（英國東印度貿易公司商人，喺暹羅做生意但係就帶有一種英國人就高人一等嘅強烈偏見，影片中後段向暹羅總理報告將軍發動叛亂嘅真實情報）
雷碧娜——比比（Shanthini Venugopal飾演）
（女主角女僕，影片中前段同女主角行曼谷街市嗰陣傾起男女主角喺舞會一齊跳華爾茲嘅事，出言提醒佢可能已經鍾意咗男主角）
源家祥（已故）——滿書（Mano Maniam飾演）
（女主角男僕，同女主角女僕係兩公婆，平日幫手負責埋照顧女主角獨仔嘅起居）
源家祥（已故）——布拉德利勛爵（Geoffrey Palmer飾演，演員已故）
（英國外交官，受邀請參加男主角為咗拉攏英國而設嘅晚宴，聽聞男主角準備派軍隊同緬甸開戰嘅時候決定攜妻離開暹羅）
黃鳳英——布拉德利夫人（Ann Firbank飾演）
（英國外交官夫人，同老公一齊受邀請參加男主角為咗拉攏英國而設嘅晚宴，開席前聽將軍講述關於達信國王之死同卻克里王朝建立嘅歷史）
林保全（已故）——巴拉（Sean Ghazi飾演）
（男主角新夫人入宮前嘅情人，喺失去愛人之後選擇出家為僧，影片中後段畀人發覺收咗舊情人為弟子因而被連累一併處決）
蘇強文——成年朱拉隆功（Ramli Hassan聲演，配音員已故）
（旁白，在位期間對暹羅實行現代化改革，喺影片開頭同結尾分別憶述女主角嚟暹羅教書之前嘅故事背景以及女主角對暹羅遺留嘅深遠影響）
P.S.：即暹羅國王拉瑪五世，同上。
发哥港产片有无常配？印象中好少配音 过黎睇下乜野电影 snzt 发表于 2023-6-3 04:54
发哥港产片有无常配？印象中好少配音
港产片里面双周（发哥同星爷）一般都系原声多，系听过《赌侠》临尾陈欣配过发哥一句“边个话咖”咁大把 呢部居然有周润发啊 见到有发哥 6月1号重播咗，唔知道论坛有冇大大录咗？ 通过林忆莲的至少还有你的MV知道的这部电影 多谢分享配音表，好详细 JVT 发表于 2023-6-3 07:55
港产片里面双周（发哥同星爷）一般都系原声多，系听过《赌侠》临尾陈欣配过发哥一句“边个话咖”咁大把 ...
星爷都系原声多，系得一次听过系黄志成配音