冇乜可比性
周防達哉 发表于 2017-9-29 10:59
唔好咁貪心啦，人生好多必須二選一，我訓練緊你嘅決斷力
{:9_337:}好难取舍，TVB有自己的风格，ATV也有独特的风格，ATV以前引进的动画配音，配音搞笑，乌龙，蜡笔小新等等等。。。TVB80-99年代都系有搞笑的元素配音。
我覺得大家太後生喇。其實ＡＴＶ同ＴＶＢ的配音在七十年代同八十年代係不相伯仲，無分別的。
配音員都係一樣咁勁，資源都係一樣咁少。
蔡惠萍、雷碧娜、沈小蘭、陳永信佢地全部都係七、八十年代ＡＴＶ的配音台柱，九十年代到ＴＶＢ，大家都承認佢地勁。
大家睇返蔡惠萍同沈小蘭的訪問，佢地根本不覺得兩台配音有質素差別。
今年流出８０年代ＴＶＢ配音版《變型金剛》，一集之內林保全要扮兩三個機械人，資源幾咁少。
兩台真正差距係踏入９０年代，ＡＴＶ大改配音組結構，資源開始減少，甚至率先開始部份配音外判。
相反，ＴＶＢ開始增加配音組資源，差異真正開始了。
《男兒當入樽》就是同時間起用了一半自由身新手，拉低了整體表現。
即使如此，亞視仍然孕育出超勁的配音員：希索加梁志達、熝驚老師雷霆、黃玉娟、朱妙蘭，都成為後來ＴＶＢ好勁的配音員。
譚淑英、吳小藝、周文瑛都係公認出色的。
到２０００年亞視解散判音組，全面外判，資源更少，一人多角現像更加多。為了突圍而出，就開始出現抵死對白了，這是很後期了，但已經很差。
故山吟晚秋 发表于 2017-9-29 13:07
atv主要係引进唔少成人向动画，比如不思议游戏、地狱老师呢啲，
ＡＴＶ弱勢台，從來就靠踩界去突破。
８０年代兒童時間播《山Ｔ女福星》，女主角阿琳著比堅尼，已經畀人鬧，
結果仲要整套《哥布拉》個個女角都超性感真人比例，引死人。
ＴＶＢ大台，太多目光睇實，穩穩陣陣唔敢得罪人。
係去到幾年前Ｊ２先有突破。不過，Ｊ２死咗啦。加陣變咗畀ＶＩＵＴＶ同班自由身錄音室學哂。
男兒當入樽回音太重
感觉ATV用心程度比较高
多数系TVB啦
都差唔多，可惜ATV已成往事
90年代两家基本都半斤八两，2000年atv配音组解散之后，就冇乜点睇atv配音动画，而且tvb吸收咗一部分atv配音组嘅配音员