歲月靜好 发表于 2024-12-9 00:39
係囖，如果同啲細路一齊去玩咁都几拗頭，不過都寒假同埋暑假，一、二月份同埋七、八月份都可以按排，依家 ...
我唔會叫父母幫我湊仔嘅，太辛苦佢哋，
所以我等到細路讀小學先開始帶佢哋去旅行，之前佢哋細個要人照顧我係唔會出去玩。
歲月靜好 发表于 2024-12-9 00:41
不過我都係好懷念以前嘅歲月，依家咩都係講究效率，貪快脆，冇咗享受生活嘅過程體驗，爭咁啲。 ...
有好有唔好啦，科技進步令到多咗人可以享受攝影樂趣，佢哋原本係學唔識嘅！:lol
hk3600 发表于 2024-12-10 00:40
有好有唔好啦，科技進步令到多咗人可以享受攝影樂趣，佢哋原本係學唔識嘅！
...
依家有數碼相機同埋手機攝影已經容易好多啦，而且係即影即有嘅，唔係好似以前啲相機咁需要調教角度，光感之類嘅嘢，應該係咪仲有？要請教下你呢位影相嘅老師傅喇。{:7_245:}
hk3600 发表于 2024-12-10 00:39
我唔會叫父母幫我湊仔嘅，太辛苦佢哋，
所以我等到細路讀小學先開始帶佢哋去旅行，之前佢哋細個要人照顧 ...
你講得好啱囖，我好認同你嘅觀點，自己生嘅細蚊仔就自己湊返好喇，啲父母年紀大湊細路好辛苦㗎，
依家湊細路哥要好似睇馬騮仔咁，一啲都唔好睇漏眼，依家好多車同埋人好雜，比以前我哋細個果陣時仲更加複
雜，需要睇緊啲佢地先得，細路哥活潑好動，睇漏眼一走失就好麻煩。
有雪山睇:D
歲月靜好 发表于 2024-12-10 00:48
依家有數碼相機同埋手機攝影已經容易好多啦，而且係即影即有嘅，唔係好似以前啲相機咁需要調教角度，光感 ...
我唔係正式學過攝影，知道嘅並不多。
而家用手機影相，手機屏幕就係觀景器，直接睇啱先撳掣，十拿九穩。
以前菲林機要靠個觀景窗咁細嚟睇，係差唔多完全靠估，失手機會好大！;P
歲月靜好 发表于 2024-12-10 00:51
你講得好啱囖，我好認同你嘅觀點，自己生嘅細蚊仔就自己湊返好喇，啲父母年紀大湊細路好辛苦㗎，
依家湊 ...
係呀，而家時代唔同，以前啲細路仔聯群結隊通街走都冇事，而家唔得啦，隨時畀人告疏忽照顧兒童！
hk3600 发表于 2024-12-11 00:49
我唔係正式學過攝影，知道嘅並不多。
而家用手機影相，手機屏幕就係觀景器，直接睇啱先撳掣，十拿九穩。
...
以前細個覺得啲攝影師好型仔嘅，以前細個讀書時期需要影畢業相果陣時，啲學校會搵嘅攝影師去學校幫大家影畢業相嘅，果啲攝影師真係好專業，好佩服以前啲攝影師。
hk3600 发表于 2024-12-11 00:51
係呀，而家時代唔同，以前啲細路仔聯群結隊通街走都冇事，而家唔得啦，隨時畀人告疏忽照顧兒童！
...
係啊，依家啲細路哥仲唔可以打佢添，會畀人告虐待兒童㗎。
歲月靜好 发表于 2024-12-11 00:56
以前細個覺得啲攝影師好型仔嘅，以前細個讀書時期需要影畢業相果陣時，啲學校會搵嘅攝影師去學校幫大家影 ...
以前影相係上去影樓，嗰啲攝影師就真係專業，會打燈又用三腳架，擺好曬位，甚至有時見你頭髮亂咗會幫你整理下，不過而家啲舊式影樓好似執曬笠！
而家影證件相真係好求其，好似快圖美咁大間都係求其搵個員工揸住部電子相機叫你坐埋一邊就影，被成間舖頭其他客人望住曬，都好尷尬！